自新年後停課開始，中英數練習日日做半頁、自制生字咭同小朋友認字、每星期有兩三日串幾個生字、每日睇下書咁。佢專注力好弱、10分鐘就要抖抖…
之前睇小朋友學校上zoom, 佢唔係係咁篤個mon、喺度度睇啲同學屋企、就係發夢、zoom對佢嘅作用只係出席。
小一上學期我仲返緊工、小朋友就放學去補習社功課班、功課基本上係比答案、上學期測考中徘徊喺及格邊緣、英數得10分8分（50分滿分）、而且好明顯佢有啲啱嘅答案係撞、好多學校教左嘅野係唔識。
到下學期停晒課、我就自己教返、之後復課冇返到學、但學校有比返啲評估卷、喺屋企比佢做、佢都識、係有careless mistake.
現在心大心細應唔應該完全做野、呢五、六年好好咁教佢功課、陪佢睇多啲書同運動。好老實、佢唔係讀書叻的資質、我估我陪佢的作用係由唔及格追到70分左右。但如果繼續返工、一定睇唔到咁多、咁佢就只可以渾渾噩噩完成成個讀書課程…
請個導師幫你跟。專注力不足得你一個教好辛苦，唔係咁容易，尤其你有工要返。宜家啲 form 6 放假日日得閒，實有個幫到你。
新年後因肺炎、我已經停職留薪。
有諗過三四年級要揾私補。
同佢報過出面英文班、但佢專注力10-15分鐘就發夢。現在揾私補回來、應該每10分鐘就抖5分鐘。
一個小一學生，專注力大約有15-25分鐘，如果得10分鐘專注力似乎短左D. 但要留意，專注力都會受外界影響，例如功課枱太多雜物，屋企開電視，有其他嘢吸引佢注意力。開ZOOM更加係大挑戰，一次過可以睇晒咁多同學，又放足咁耐假冇人管，想專心都幾難。如果加埋佢本身對功課作業冇興趣，都好難叫佢坐定定做得耐。
睇落小朋友似係對讀書冇乜興趣，補習社好話唔好聽只係托兒所，幫佢做晒功課就算，唔會誘發佢興趣。日日坐響度做唔晒功課老師都會比答案，識走精面小朋友都會放軟手腳啦。
想訓練專注力，做下D找不同既訓練都有幫助，由十分鐘做起，按情況逐D逐少加時間，慢慢培養返D專注力出黎。小朋友有冇邊科特別鐘意？每次由果科教起，等佢有興趣聽落去先。做功課做一定時間就比佢行個卷休息一陣，等佢養成習慣…其實教小朋友真係好難假手於人，如果情況許可自己教返當然最好。
我都唔識答你，不過想問下你夠唔夠耐性？如果唔夠，又自己教，將來會唔會仲破壞親子關係呢？
我識有兩個媽媽都好好耐性，就真係教得好好，最後仔女都讀得唔錯添。
我自己知自己冇咩耐性，所以情願返工，放工跟一陣子功課就好。
其實佢K2果陣、老師都發現佢注意力一般、K3下學期都有去私人做評估、結果係中下、叫擲界SEN。訓練一直有做。
做功課、我真係只係比一枝筆佢、刷膠都冇。但一到十分鐘多啲、佢就全部不在狀態、啲字寫錯曬、計算就數手指都錯、一定要比佢行開下再回來、先可以繼續做。
現在長期唔返學、我就同佢日日做半頁練習、但已經係朝早九點到一點先做得曬。
我唔敢講自己好好脾氣同好有耐性、啱啱肺炎假期果陣、都試過教到好燥大聲喝佢、後尾終於做到一燥就放大家休息、總之慢慢教到識為止。
例如教佢is am are , 我係張I we you they he she it is am are各自寫喺A5咭紙、 同佢一齊玩住咁做配對、之後先做6-7題的補充題目…足足玩左兩星期、佢先稍為掌握到
我讀書果陣都有同唔少學生補習、睇得出小朋友唔係讀書叻的資質。自問親自教、只係最好都係做到中上成績、但完全唔理、佢追唔上進度、成績一直唔好、我覺得對小朋友身心都唔係一件好事。
我有朋友個仔又係擲界SEN, 所以政府冇安排任何訓練比佢，佢唯有自己教。
阿仔因為專注唔到，幼稚園K2都要repeat, 最初升小學都長期成績見紅。但因為讀官校，學校對SEN有支援，而且阿仔讀書唔係好得，但畫畫好有天份，我朋友就專注發展佢呢方面才能。依家小朋友五年級，成績叫不過不失，但因為畫畫帶比佢好大自信，唔知係咪因為咁(又或者因為人又大左D)，佢依家日常自己基本跟到學校進度，係默書測驗考試我朋友要自己跟(岩岩個呈分試佢話癲左)。希望佢個case可以對你有d啟發，加油！
我覺得記單字好難記，成句句子咁記易入腦，例如︰
I am a boy.
She is wonder woman.
He is superman.
It is a robot.
They are my friends.
You are welcome.
We are the world.
總之見親 I 就即刻諗起 I am a boy, 就會知道係用am.
謝謝你分享。
肺炎前小朋友學緊游水、畫畫、同打非州鼓、同hip hop同跳繩、表現一般咁。
其實我目標都係keep到佢成績唔太差、有返應有的責任感。起碼會怕帶漏書返學、欠交功課會驚、返學遲到會驚…
（我以前接觸過一啲小朋友、有學習障礙但家長冇理、結果因成績長期差、功課長期欠交冇感覺、返學遲到又唔驚…）
該主題在最後一個回覆創建後30天后自動關閉。不再允許新的回覆。