有朋友阿爸賭到成份公積金冇晒，或者要賣樓填氹，啲後生就幫佢再孭一大堆數，再加家用，兩老就租樓或申請公屋
打亂晒後生結婚生小朋友嘅 plan
有啲仲為面死唔肯申請公屋，因為原本住私樓驚比 friend 笑
我自己阿爸就唔係欠債，佢做小生意，好搵到下，但一向自己食好著好唔點理屋企，到最後出面有另一頭家，養另一個仔都唔比錢我讀大學，我靠 grant loan。我讀書成績好好，一定可以去外國 top u 讀，不過算啦，鬼叫自己係女，唔係仔，我靠自己喺香港讀大學都開心，但見考得比我差嘅同學當年去英澳美升學，恨到流口水。
而家佢老，都係我養佢唔係佢嗰個仔
突然感概啫
有時，顧左自己先，佢就比basic 算啦
唔好辛苦自己
對自己好d，愛自己多d
我屋企都係唔俾錢我讀書,我17歲就問我拎錢交公屋租,我唔返工真係連飯都無得食,我養左幫左佢地10年有多,突然有1日我唔想再理我娘家所有人,我覺得好輕鬆好開心 
你做得好好，最緊要你自己問心無愧就可以。有人含金鎖匙出世，一生衣食無憂，有人一出世就欠債，真係個個人都有唔同命運，靠自己努力都可以改變命運。你睇人好，人睇你好。
咁你仲養佢？
可是我個人絕啲，我會同佢講叫返你個仔養你
我叫老豆自己搵政府養佢，佢做過乜自己心知肚明，我先冇閒錢養佢～
不過阿媽衰心軟，竟然係啲女比嘅家用入面抽啲錢比佢做0用，我知道之後嬲到爆，家用都斷埋！
冇情講！
唉 我另一半既阿媽, 自己有返工加個個月收八千家用 (仲要我另一半俾晒)
到準備結婚買少少金器都冇錢…
手停口停冇理財觀念真係好得人驚…
我諗佢有排都唔洗諗退休
理財觀念，我覺得係天生
養另一個仔都唔比錢我讀大學<<<<好衰…
呢d case見唔少，個仔讀唔上都夾硬谷去外國讀
如果佢有另一頭家養緊佢個仔，我一毫子都吾會比佢，而且明顯地個女人都應該係大陸人
唉，身同感受
其實我養佢唔辛苦，第一佢做生意做到好老先退休，都幾叻，係要我哋租屋比佢 ; 第二佢冇話爭人錢，我只係比家用(連租連佢平時洗費)，但我一定會負責，因為佢都對我有養育之恩，養到我中七
我身邊不少朋友都被兩老累到按樓、推遲結婚、唔生B等等，到而家都有影響咁好彩我都冇
不過呢排見啲父母為仔女安排去外國，有啲感觸啫
唔係個個父母都為子女，我又因為係女不被重視
好彩你睇得開！
有人真係俾個所謂「家」累一世！
我知道佢個仔啱啱出身，冇乜錢，所以我有養佢嘅責任。有時我爸讚我叻，話我讀到書搵到錢，我都苦笑，好想講：叻有咩用？女嚟之嘛
嘩，最尾果句難聽過粗口。
我覺得連你自己都睇唔起自己係女咁。
初初我都睇唔開,但真係好彩我娘家D人夠衰 
我大肚我有病無再返工,佢地驚我要佢地幫手同驚我無錢,即刻疏遠我先,咁我梗係成全佢地啦 
咁你之後要CUT家用,要個仔都俾家用先得呀!你一開始唔迫佢個仔俾,之後幾十年都未必會俾…
咪係, 靠自己先係真實力, 先最叻!
不過咁仲好, 無欠佢咁多, 自己搵倒幾多都係自己! 唔洗俾佢困住