我姑仔同我地同屋住，係我嫁入去之前，都係佢處理小事，買家庭用品果d. 我覺得佢當左自己好似管家婆咁。
到我生左bb,我真係頂佢唔順。成日自把自為去同我個仔沖涼，問都唔問聲，有次打完針第二日，我無諗住幫bb沖涼，點知佢又沖左。又同bb剪指甲，太短，又唔知用咩指甲拑剪。bb肚痛，又搽薄荷膏，我係買左其他bb用，太細唔用薄荷，同姑仔講左，下次佢又用過。
有時係佢做完呢啲，我先發現，我都唔知點出聲。同左我老公講，佢又覺得好少事，佢細妹都係想幫手。我都唔想咁，會令到我老公覺得好煩咁，大家有咩方法?
個仔你嘅，直接自己出聲，有d咩事係咪你姑仔負責
2個讚
有人幫我照顧bb我覺得好好 
仲要主動幫沖涼、剪指甲咁細心喎
3個讚
乜佢咁得閒
請佢幫忙其他事，等佢再忙d 
1個讚
其實作為媽媽，有人幫手係好，我唯有叫自己咁諗，但同一時間作為媽媽，有d野係想自己親力親為，唔想人幫手，而且仲要無問過。
而且係我見過佢點沖涼，水都未較好就放bb落水，剪指甲又剪得太入，所以我先唔鐘意。
片都著唔好，成日著到漏尿，根本唔識湊。
佢係你老公個妹，我諗佢都係冇乜湊BB經驗嘅後生女，但佢都係好錫你BB，好想幫下你手。但如果你成日開口話佢，唔係咁好。不如你試吓叫你老公同佢解釋吓，始終BB太細，佢冇上過堂、冇帶過BB睇醫生，BB有好多嘢唔可以當兒童咁處理，亂咁擦cream擦油可能害咗BB，一歲前都唔好亂咁擦嘢。如果佢真係見到BB有需要，可以打電話問咗你哋先做。同埋，包尿片包到漏尿，你可以拉住佢教多幾次，學學吓就做得好。
2個讚
其實佢肯幫手好好喎
不過冇問曲同啲手法奇怪又係好難頂
少少好心做壞事
但佢都錫你bb，不如同姑仔直接傾吓
2個讚
我都明… 我姑仔都係對我仔好，成日插手阿仔既事。情況就好似奶奶之類。
但我覺得好心唔係大曬。個仔係你既，姑仔要幫手都應該問過你先。小朋友再大D，問題會越來越嚴重，點教品德，點溫習，是好大的衝突位。
要同姑仔分工明確。多謝佢幫忙，但有D野唔洗佢幫啦。你老公都要同意呢一點先得，無佢居中協調好難做成。如果睇佢係多一事不如少一事既人，就要話佢知，而家唔處理，件事會越來越惡化。
我無和姑仔住，但佢好熱心，成日過問我仔既情況。我嬲到提出和老公分居，老公係好努力咁協調先至無事。我地講明佢只可以管教育既事，我地住邊度睇咩醫生玩咩玩具去咩街，佢可以提議，但我地唔一定跟。
最終解決方法係姑仔結婚生B，咁佢就唔會得閒理你
3個讚
解決方法同你一樣，姑仔會當正我啲仔女係自己既，好心，
係出於好心唔係個個都受 
太好啦，有你明白我。
我都唔明，姑仔又未去到奶奶個身份地位，點解會咁做。我自己家姐生左小朋友，都知分寸，唔會過分熱心，唔會多口，最多咪同小朋友玩一陣。
姑仔要母愛汜濫，咪自己生個囉。
有時我真係好炆，但老公唔明，佢覺得佢細妹同阿嫲唔會害bb,話佢地係好錫bb，但佢唔明主要照顧bb既係媽媽，決定權要係媽媽度，同埋要顧及媽媽感受。
我知呀，遲d加固我都唔知點算，有排煩。
你姑仔也太熱心了吧，唔一齊住，但係又過問咁多，咩都有意見。
係呢，到底點解會咁架? 因為女人天性? 點解要當人地小朋友自己既? 媽媽10月懷胎，真係好唔鍾意其他女人同自己小朋友咁close.
係自己幫自己加既責任啊！！！
女人呢，都係鐘意得意既野，
見屋企多左個BB 就母愛黎啦，
又要錫又要抱又要話點教，
到我生左2個都係咁，
其實媽咪都未出聲點教點錫。。。
但又唔會想老公夾係中間，
唯有扮忙，小朋友忙放大人忙工作，
去玩就FAMILY DAY，跟得1-2 次就唔想跟，
但都KEEP 住同BB 視象。。。。HAHAHA， 單向對話
呢D情況隨住姑仔拍拖結婚生仔，
小朋友大都少見左，所以忍一忍就過
1個讚
係唔係佢自己嫁唔出所以好想照顧你BB?
身為女人，我都好唔明呢個心態。佢未到30歲，仲未嫁ja.
古代智慧話我地知，未嫁姑仔就從來都係麻煩，快d幫佢做媒，咩問題都解決曬
1個讚
我姑仔做教育行業，對每個朋友既小朋友都插手，我係親戚就更加。佢生左就好好多啦～
唔好話姑仔，我有D朋友又係當我女咁照顧，大家都出黎做野，仲要行街送我返屋企，食飯又要幫我夾餸，幫我開門，幫我整理衣衫，好似多左個媽咁。
佢無生仔無養貓，好鬼得閒，我真係頂唔順疏遠左佢。佢仲同我講，邊個姊妹無結婚，要照顧佢一世喎…
你老公和姑仔需要明白的是，愛是有界線。
十分認同呢句，好怕99姑仔個D多多意見，佢哋負責陪下玩就算，真係要佢哋幫忙會出聲，唔好自把自為咁幫手，越幫越忙
1個讚
係囉，少出句聲已經當幫幫忙。最唔高興係自把自為，我覺得唔問聲真係好無禮貌。叫佢地陪玩，又唔識同佢玩，自己係度睇電視，搞到我個仔又睇，每次我見到一定出聲話唔睇得。
初生BB的媽媽都係比較緊張，明既，要多放鬆。
從小朋友角度，有多個人錫是好事。
我細個有親友是覺得好開心。
媽媽預知會唔滿意的情況提早講。
早d話俾人聽你想點教。依家開始傾下想點餵食。
人地唔聽咪再說服，俾新聞俾實證點解。
姑仔做左有咩影響，好似打完針沖唔沖涼，影響唔係太大又講完唔聽，咪等待時機再講。而於沖涼水，依家有溫度計可度水溫，大家都用包無水溫爭論。