唔知有無人屋企有入住港怡醫院既經驗?
黎緊要入院但對成個流程都唔清楚, 有咩自己帶好過佢比你但要收錢
唔該曬咁多位!
入院會送你一個小包包，內裏有面巾、洗潄套裝、梳、浴帽、冲涼套裝及一個有蓋嘅膠水杯，亦都有盒裝紙巾提供。當中嘅消耗品就睇你要住幾多日，自己去預算夠唔夠用。
要帶嘅主要係要替換嘅衣服、拖鞋、外套（亦可以問姑娘攞），如果要洗頭吹頭，就最好自己帶個風筒，因為嗰度冇風筒供應，其餘都冇乜特別啦！
食嘢方面，24小時都可以電子點單，好方便。
如果有保險claim form嘅，可以email俾醫院，院方會幫你print出嚟交俾醫生寫，唔收錢。
入院交按金嗰啲，你一入門口就已經有人會指示你點做，唔使擔心。
暫時只係諗到咁多。
請問係咪入院就一定會送個個小包包? 依家疫情咁嚴重唔知仲有無…都知要自己拎多啲消毒用品
水方面係咪都係免費提供? 定都要收錢?
同埋睡衣個啲自己拎去既唔啱用佢會唔會可以比到我? 洗唔洗另外收錢?
因為成個入院我係掛單入去做, 完全唔清楚邊啲屬於收費項目驚要自己比好多 
我早幾日出院，入院當日就俾咗個包包我，宜家應該都有。
消毒用品方面，為咗方便醫生巡房，所以喺床尾會有支消毒酒精。由於廁所係二人共用，所以每次我都會攞抹手紙擠啲酒精抹一抹個廁板先至用，不過你可以自己帶定啲殺菌消毒嘅濕紙巾放床頭，方便日常用。
水不用收費，你會有個保暖壺，姐姐每日會同你換水，唔夠你可以請佢refill。
睡衣方面我唔敢答你，因為我全部都係自己帶去。只知道如果你要做手術，醫院就會有一件喺後面綁繩嘅手術袍俾你換，不過之後你都係要換返自己衫。
其實只講病房嗰度你唔使太過擔心，就我所見都冇乜嘢要額外加錢，除咗膳食。
不過你係買package，定係單項咁去做㗎？我記得買package係連膳食都包埋添㗎！
唔係package啊, 所以先擔心 
一開始個診所姑娘連醫院要收咩錢都唔講, 係我打番醫院問有關clinic姑娘同我講多少少先有啲idea 
其實你可以控制嘅只係病房及膳食費，其他嘢都唔係你控制嘅範圍，好似手術室嘅雜費、藥費、醫療用品雜費等等。
但主診醫生手術費、每日巡房費、麻醉科醫生收費等等，你的醫生應該有跟你交換待過吧？
醫生收費就有講到既, 主要都係未清楚醫院個邊既收費
不過睇完你講都知多咗, 始終新醫院無咩人有分享邊啲好邊啲唔好
唔該你呀!
前幾日先接老公出院~
其實同上年一樣~
都係入到醫院COUNTER後面禁飛等叫號碼，
然後佢會SERVE你俾訂金，講清楚D收費~
上到病房，有小包包，有水壺，
如果要做手術會有手術袍~
如果唔放心可以自己再帶去
24小時可點餐，明碼收費~
房間2人一間房，共用廁所同洗手盆~
唔放心可以唔放梳洗用品入廁所~
空間都大~尤其是近窗
收費方面，巡房、手術、照X光、用藥、換紗布每樣一定收費~
埋單時收費都會列明，私家樣樣計都好正常~
因為疫情原因，有限制探病時間：1000-1200/1800-2000
但唔算好嚴謹，我試過1330先俾人請離，亦試過2030都無人趕，自己走~
請問你係搵邊個醫生接生架？