覺得自己會從咩途徑中招？
譬如，居住嘅大廈有確診者，你驚佢掂完𨋢掣，你又掂，然後你摸眼摸口摸面？
或者，同處一個空間，佢嘅病毒會透過空氣，穿過口罩被你吸入？
2個讚
有發病先擔心啦…
唔驚得咁多
盡人事，聽天命，唔驚得咁多
1個讚
大家小心駛得萬年船。
呢期真係太多人中。
1個讚
我只知。。。如果我仲左。。。我屋企有個7x既呀爸，6x既呀媽，仲有2個細路。。我會好自責。。。
1個讚
我最驚中左佢會捉走我啲狗咋
其實我估撘𨋢最危險，上手係入面打個乞嗤，到你入好難唔中。
我會擔心，因為我屋企附近好多人鐘意除口罩一路食煙一路行，我仲注意到唔止係呀伯會咁做，連睇落得3x歲嘅人都好多
仲要我住嗰幢樓今個月中有確診，管理處都貼晒告示出嚟
我其實唔係好擔心我會死，我係擔心中咗武漢肺炎會好辛苦，因為之前睇Reddit個IAmA版，有個奶過嘢嘅鬼佬出Post話佢入廠嗰陣全身好痛又抖唔到氣好辛苦
同埋我都擔心我會惹到我男朋友，我男朋友天生氣管差日日瞓醒起身都會咳一輪，佢年紀又大過我好多，所以如果佢奶嘢嘅話會危險過我自己奶嘢
假設我會奶嘢嘅話，傳染途徑一定係手同眼
因為我天生有少少敏感同乾眼症，隻眼周不時都會痕到爆，所以由細到大一痕我就會反射性咁捽眼，而家會盡量提自己唔好捽，但係有時唔為意都會唔記得咗
同埋我隻手又好鐘意周圍掂，例如搭扶手電梯我係會捉實扶手嗰種人嚟
1個讚
唔會好擔心，不過都會盡量小心。
覺得最大機會感染係買餸或搭車，因為人多又迫，空氣又唔流通，一個乞嗤就好易傳染。
盡量啦，冇得擔心咁多！
都要出街買餸，唔洗食咩一家大細！
但係盡量就買幾日餸！
細路就唔俾出！最多買多幾包薯片佢食
我又唔太擔心
又冇乜入物資
唔擔心得太多, 啲Case距離自己越黎越近。一直都諗, 如果咁唔好彩中咗, 第一時間應該要去狗屋求助
3個讚
有冇滴眼水？食下敏感藥？
戴手套出街，
真係忍唔到要捽，就搵紙巾捽。
不過捽眼對眼球唔好，會唔知點，有後遺症㗎。
我本身有濕疹同週期性蕁麻疹所以其實已經有食開治敏速咖喇，但係佢平極都要4蚊1粒好貴呀，冇可能日日食
眼藥水我就冇乜研究啦，感覺好多都係For除紅筋同疲勞，一係就For Contact Lens，而且以前睇過新聞話市面好多眼藥水都含有防腐劑，所以平時都冇諗過要買嚟試
其實我都知捽眼唔好但係嗰一吓真係痕到好難忍呀，嗰種感覺似係有人不停用羽毛撩你眼皮入面最敏感嘅位咁，試過大大力眨眼但係越眨越痕…
我仲要捽眼都得捽得OK大力嗰隻，會捽到隻眼腫腫哋先收手，我隻眼係咪已經冇得救 
一日3粒食一個月都係$360咋喎，
眼水有防腐劑你咪搵隻天然啲既囉，唔好本末倒置得㗎。
我本身仲食緊其他藥同Supplement，你覺得360唔多，幾個360加埋就好多（更何況有啲根本唔止360）
唔明點解你會用你自己嘅價值觀套落我嘅生活度
或者我表達得唔好，我第一句已經講咗我對眼藥水冇研究，唔知有冇眼藥水係For敏感用，再加上篇新聞更加令我冇動力去試，會唔會係你Get唔到個本，先會調轉咗個末
有防腐劑係其中1個Factor，但唔一定代表佢係Main Factor，要搞清楚
https://topick.hket.com/article/1892167/含防腐劑眼藥水可傷角膜 戴con可用邊款？
呢度有啲不含防腐劑既眼水，你可以參考下。
係呢段非常時期，唔好慳個$360住啦，起碼食到疫情減少先啦。
以上係我個人小小意見，不喜勿插
擔心架、一家大小有老有嫩、最驚惹到人唔知點算、隔離點照顧、仲有公開哂住邊、反而見死亡率又唔太怕
你出入帶眼罩，咁樣就可以避免捽眼
1個讚
無得好驚
只能樂觀面對