借位抱怨下
老公朋友天台翻新、訂左啲地板吹雞叫成班朋友幫手舖、老公已經藉口話前兩日去過醫院、推左話唔去。
對方就話「大家識嘅冇所謂啦」、頂呢傢日日爆的群組都係識傢喎、咪玩啦。
跟住對方仲要同我老公講你兩公婆想困住個仔困到幾時
1個讚
回佢：你無所謂我有所謂。
完
都痴痴地唔知咩邏輯，識嘅有免疫
呢d 人你驚佢有病多過佢驚你有病
佢哋自己無小朋友？
有啲咁情況 我會明言自己怕死
怕死好正常咋嘛?
今年過年時我已經推曬啲親戚飲茶團拜
講到明係怕死 佢地無野可以反駁
3個讚
梗係唔去啦，果位唔覺係朋友囉
唔關事架、識人話話約出去戶外玩、曬太陽唔驚喎
利申我都有放小朋友、但就冇同人社交囉、我唔係驚太陽係驚人
2個讚
我都試過親友仲叫我飲茶,直頭答唔去喇我怕死,完!
有呀
真係無常識
1個讚
叫老公話老婆唔俾去
呢個疫情睇清楚佢為人
2個讚
Me2
唔好話幫手舖磚，紅白二事都推啦
2個讚
千祈唔好制啊
佢死佢事
保護自己，保護醫護
有$買天台屋冇＄俾人鋪要呢個時勢搵班兄弟笨免費鋪? 有冇咁cheap呀。
1個讚
新年啟市個排，我班同事仲係公司搞團拜大食會
我都係「我怕死」推左
開頭都有比佢地冷言冷語、有啲「唔好意思」
但諗到萬一中招>影響屋企人>有肺功能受損一世手尾
仲要為左一班自私又唔係好熟嘅人，真係會後悔到癲
所以，我怕死，我驕傲
2個讚
最嬲係因為、你開口約
已經冇話你「咁嘅時勢仲約人嚟自己屋企係咪智障」、講咗個好聽啲的理由話去過醫院唔方便。
你仲要一句得過嚟話我地想困個仔困到幾時…
佢地成日話係老人家先有事
但你感染咗冇病徵一樣有機會傳比人
又日日話自己成家冇去大商場行街食飯、但明明六月果陣就成家出咗去睇角落生物…
真係睇到都嬲