話說之前都一直係99負責買餸煮飯，到咗早兩年就開始叫我煮飯啦，因為我都係全職媽媽，我都冇所謂，唔識咪學囉。煎魚成日都彈到手想喊㗎啦。煮出嚟又成日俾99嫌㗎啦。到咗呢排，疫情嚴峻，始終老人家。老公就叫我負責買埋餸，直接就將家用俾咗我。
我唔知我99係唔想我買餸定我買既餸唔啱佢口味？定還是我煮得太難食，但經過幾年學習，我自問都煮得可以啦。但呢排煮出嚟嘅餸距除左食菜同夾魚，仲要係咸魚! 或者隔夜煎魚，其他餸掂都唔掂，或者用筷子撩一撩就收返埋，煲既湯又話冇人咁煲嘅，(但我係藥房買嘅去濕料加冬瓜咋喔），同埋雞骨草
豬橫脷喈！
講真，好用心咁煮出嚟。被嫌三嫌四真係好挫敗，而且我老公係覺得好食嘅，而且覺得佢好慘咁囉，寧願咸魚白菜，搞到好似冇得食咁。
佢唔食咪唔好食囉，你記住佢冇養大你冇養育之恩，叫你老公服侍佢
叫佢自己煮返，然後你撩下又只食一兩啖菜，話都冇人咁煮
老人家唔好縱、唔使縱、唔需要縱
最緊要老闆岩口味（姐係你老公）
如果佢覺得好食，你99日日唔食，佢都會知道係佢媽有心「吊」難你！
啲餸煮得好有心機！
下次明「做」佢，煮個簡單啲肉碎豆腐（少少豉油吊味）之後係老公面前講句「99呢個餸煮俾你架，豆腐營養好，岩老人家食」
如果佢又「嚴3嚴4」，咁你老公都明架喇！
攻心計
（好多字唔記得
）
我初初結婚時我奶奶都有嘗試講過一句話我唔識煮飯，我係惡死新抱，你想落下馬威唔使旨意，我一句︰係呀我唔識呀，你個仔都唔識，佢都冇煮飯比我食，我阿媽都有嘈佢呀
我奶奶即刻冇癮收聲
我同我老公講︰你阿媽做任何嘢，我阿媽會做同一樣或雙倍奉還，你唔搞掂你阿媽，我阿媽就會搞掂你 
煮得好靚， 其實你唔使唔開心， 講真嗰句你就算煮到好似阿一鮑魚咁， 喺你奶奶心目中 你都係唔夠佢一成功力食你啲餸係畀面你
佢先係全世界煮嘢食最好嘅人
正如我屋企嗰件 將我啲澳洲和牛用水 洗白再用清水浸住， 一盒2人嘅湯料但係煲十人份量嘅湯， 佢都自認自己煮嘢食天下無敵， 出去同佢啲 上至米芝蓮下至鑊氣大排檔都可以彈到一文不值
收埋碟咸魚，老人家都唔好食咁多，又唔健康，其他佢食就食唔食就算。
我見到已經流晒口水,加雙筷加碗飯,唔該 
賣相又掂!佢老人家心情唔好啫!諗埋一邊,由佢啦!
話時話,雞骨草唔好加豬橫脷,一係雞骨草加夏枯草煲,當涼茶飲算 
係，佢自己攪到自己悲劇主角咁，樓主整嘅送好見得人啦
謝謝，下次試下，我都唔識㗎，好多都係網上學。
我都識有d人係咁，佢又唔係煮得特別好，但總係乜都彈下先覺得自己有要求有品味
好吸引呀！佢唔食話之佢。請問粉絲蝦煲點整。
你比我叻好多啦! 
你99係咪無左買餸錢,唔開心呀?定係教識徒弟無師傅,所以屈住呀?
同佢講佢教你煮,而家煮比佢食,孝敬佢老人家囉!錢就比少少零用佢囉!解佢知疫情嚴重,一有街巿新聞爆爆爆!就指佢睇幾爆點爆,為佢好!
等無咁嚴重先比佢買餸啦! 
下次擺公筷公匙係碟餸度，我最憎人「了」餸。
比我會立即話佢
你做得太好又有fans（你老公）佢咪唔妥你囉，關煮野咩事丫，我係你就唔理佢，叫你老公買條靚咸魚比佢，因為佢鍾意食！你地越無視佢，佢咪越無癮囉，佢做咁多野都係想個仔睇下佢啫！
可能係因為冇咗買餸錢唔開心囉，不過我老公有另外俾返D錢佢買嘢食㗎。下次佢再嫌棄我就請教下佢，但講真，我煮嘅餸都係網上學返嚟，我老公話佢以前都冇咁煮過，
其實真係唔需要諗咁深喎，任何理由都唔係理由，佢唔鍾意你都唔需要理由，唯一理由係：你搶走我個仔！
單身人士睇到，覺得呢個係美食post
我買既係薯粉，之前煮過粉絲花甲，粉絲唔係即刻食好快就霖夾唔起，薯粉就好D，
我係先浸霖薯粉，剪左D蝦頭起獲爆，然後加水煮滾，裝起，另外再起鑊用蔥頭爆D免治豬肉，加蠔油鐘意辣就加豆瓣醬，再用個沙煲，粉絲擺底，加爆咗嘅豬肉，生嘅蝦肉放煲最面頭，倒返D蝦頭湯，加D紹興酒，煮滾就得啦，
見到都想食
理得佢丫
