新增53宗個案感染源頭不明，多為家庭主婦及長者，衞生防護中心呼籲減少買菜或飲茶
https://news.now.com/urgentnews.jsp?taskId=17843&refer=Share
長者本身高危，主婦經常處理外來物品，例如餸菜，日用品，每樣返來都要消毒，要好小心先得
1個讚
依家做師奶去街巿買餸，真係揾命搏。
1個讚
我覺得係街巿多人，易被傳染。
都係，所以我而家都唔駛去街市，去超市買餸咋
超市都好多人架！
1個讚
我寧願去超市買。你諗下送貨果個人一日見幾多人。如果佢一中，所有佢送果D客都一齊中。
自己想買餸煮飯都要搵命搏 
1個讚
其實睇返，真係覺得好無奈！
食肆唔開，就唯有在街食飯，咁就要出去買餸，咁街市就一定會人多啦！
我地已經唔係去打麻雀/群組聚會/卡拉OK了，如果咁都會中招，真係慘啦！
個班豁免檢疫人士，繼續花天酒地，風花雪月，一日繼續豁免，我地一日都連基本生活都無。
依家盡量網上訂菜，買完返黎都要用消毒濕紙巾抹咗先，罐頭、有包裝嘅食物我都會抹埋，或者用消毒噴霧噴咗個面先，盡可能都唔食沙律菜，蘋果要食就用家事皂洗下先
街市真係好危險，之前街市D 呀姐從來都唔戴口罩係到叫賣，依家就算嚴重咗，都係戴係個下巴到，嚇到我都唔敢幫襯佢
依家返屋企仲忙過出街，仲未計要噴鞋底、噴環保袋、噴外套。以前件衫可能可以著多1-2日，依家就要日日換，好多上咗年紀嘅家庭主婦/老人家無呢個concept, 唔好話武肺，其他菌都就咁帶入屋，有D 直程無知到BB 濕紙巾當消毒消紙巾用，亂咁黎，真係好易出事。
2個讚
我同您一樣，買完返嚟先大工程。只買d有包裝嘅食物，搵消毒噴霧噴一輪，抹乾淨先敢擺雪櫃。熟食都一定翻熱先食…拎到順豐包裹，包裝即拆即掉，消毒埋貨物表面先拎入屋
我完全無咁做，買咗就咁放低㗎啦。。咁啲送貨工人、超市理貨員日日都掂好多貨㗎啦！
嗰班家庭主婦生日多姿多彩，又晚宴又跳舞，唔戴口罩，感染機會大好多
天氣太熱，自從提早放暑假至今，買餸只係去附近細細間嘅超市、同埋hkxxmall。日日煮足三餐。
我細個喺街市大嘅。我而家買嘢都唔去街市買，因為無電子化俾錢，啲人秩序又亂，檔主又呃人，我全部嘢超市同上網買。
2月開始就減少外出買餸
新一代應該好適應網上order
係老一輩比較鐘意只去街市買，連去超市都嫌貴
我都係，每樣野都會消毒，如果出街用品，只可以放响近門口個櫃，掂完要洗手
我只會去街市買菜，超市既菜真係冇咁好食，特別係菜芯，街市菜芯苗又嫩又甜，不過而家唔敢去街市
街市最易感染到
人迫人
我都係咁，出街用嘅袋同外套一定噴過消毒噴霧，再放近大門口附近，唔會拎入屋中間。
買定兩三日既送?