第二胎，未照閃閃。已經連續幾日肚痛(m痛咁)，今朝起身發現底褲有鮮血，之後斷斷續續好似黎m咁，勁驚。私家俾我插位聽日下午照陰超，而家好擔心，完全瞓唔著
有無jm試過見紅好似黎m咁，之後又保得住阿B架? 生完第一個，試左幾年先再有第二個，而家好灰
唔好擔心，好好地訓一覺先喇～
之前有朋友都係早期見紅，一直訓響床度訓到3個月，之後bb順利出世仲好健康添
加油！無事既！
1個讚
有呀，上胎未照到閃閃果時見紅入左院住左一晚，越流越多同越鮮紅，諗住無左就算。點知第二日照到閃閃。
1個讚
第二胎 第5同第7週都見紅
依家出咗世6個月喇
識得有人有咗一路斷斷續續出血到廿幾週
bb都健康出世
多啲休息 唔好咁焦慮
1個讚
多謝大家，睇完大家留言，而家個心定返少少喇。聽日照完再update大家
3個讚
無論結果點都好都唔係你嘅錯，7w算好早知，如果佢要離開你，通常都係基因問題你控制唔到，今胎細胞唔夠靚仔，唔好一味比壓力自己覺得要保住，諗下一胎健康好過。
除非慣性流產就要check check。
1個讚
放鬆心情，盡量瞓多啲會有幫助？
1個讚
我都係同你差不多時間見紅，而家就生得喇！
去左急症，醫生照到bb郁下郁下，但第二日比婦產科女醫生照陰超，未見到bb有心跳，又搞到我再出血，真係嬲！所以唔洗太擔心！
1個讚
下午先去，咁你一定要瞓床，冇乜事千祈唔好走起身
1個讚
我試過身孕2個幾月，某日撘巴士返工，突然流血，流血勁到底褲、裙、波鞋染晒血跡，自行轉的士入醫院，的士座位染紅晒，行入急症室，一路行一路滴血。
唔洗咁擔心，多d休息，無事的。
小女今年9月升大學。
3個讚
都試過見红呀，要瞓床休息，唔好起身！祝平安！
1個讚
多謝大家
頭先成功照到閃閃喇，醫生話搵唔到點解流血，叫我瞓床&多休息，希望之後都一切順利啦
6個讚
要了，要瞓多啲，可以幫到胎兒穩定
1個讚
我頭一胎突然見紅然後照唔到心跳同冇長大，保唔住。
第二胎頭三至四個月都keep住見紅，一直保持平常心同睇中醫，而家個囡9歲了
1個讚
1個讚