雖然係英國有屋有車又多朋友係果邊,最基本住唔成問題,。但身邊好多朋友,網友揸住本BNO人生路不熟既反而話要走。自己係果邊住耐左其實覺得冇想像中咁美好,所以先返黎,一到冬天天氣又差日日落雨,最重要既小朋友係香港又係讀國際學校,所以覺得影響不大,有冇同路人都係咁?係英國住開返左黎反而唔想走
有英藉幾時走都得喎！
1個讚
你有後著又點同未有後著嘅人想法？你要comfort zone 但香港幾時會變呢？ 東柏林圍牆起嘅時候，係講緊幾小時內可以封鎖人民在自由民主分開。
13個讚
我老公直頭英國人但唔想走。一黎香港人工高D，二黎佢覺得香港人好nice，好中意香港。你覺得英國唔美好，係邊度都要生活，都有困難㗎喇，但係我覺得香港仲衰。我果邊都有FD，我好想走。而家望住咁多人有得走雖然都戥佢哋開心，但自己無得走其實我都有D失落。唉。
3個讚
點解你冇得走？因為老公唔想走？
我係，不過我地點同其他人，幾時走都得，冇乜顧慮。但 BNO 今次唔走，唔知要再等幾時。反正香港可以雙重國籍，如果真係想回流，攞左英國公民身份先再返。
2個讚
人人嘅要求唔同，我諗呢班人走唔係因為香港天氣唔好，細路讀書唔好。
8個讚
先生係英國公民, 小朋友都拎埋英國護照. 我地拎起行李箱就可以走.
但係我地都都無諗過走 可能就係見自己可以隨時起行, 想留守到最後
身邊都有朋友揸BNO 或 搞極其他國家移民都搞唔到
間中都聽到D意見: 話難為人地想走都走唔到, 你走到又唔走…
oh well… 
1個讚
係呀，佢唔想走。而家講好話BB上小學前同埋佢拎埋香港身份證就走（仲有5年）。佢係香港三年已經升左三次職，過兩個月再升做head，如果佢份工到時一直比機會佢佢應該都唔會走。。。唉。。。但係我真係唔想比小朋友係香港讀染紅晒既學校。。。
你講得好岩
根本就兩種心態黎
你呢個心態咪好囉 有英藉 但選擇留守到最後
調返轉 有d剩係諗唔習慣/唔鍾意個邊既生活先留返係到 真係吹脹
3個讚
樓主恕我直言你好離地呀…
冇外藉嘅唔趁機會辦返個外藉都唔知幾時再有機會。
咩天氣呀種族歧視呢啲相對地係bearable 嘅，就算覺得unbearable 咪當坐移民監囉。
他日搞掂咗佢哋自然會再諗去留㗎啦。到時就算返香港，有咩事，就算遇到最壞情況，咪拍拍蘿友搭飛機走。
13個讚
你有得選，有咩事隨時可以走
其他人而家先有機會6年拎bc
唔好意思你離地到上黑洞
10個讚
風涼話就好似楊x雄，個仔響外國讀書，香港教育攪到一舊屎都唔關佢事
5個讚
你睇返呢位樓主個d post同d留言丫
佢根本就係好自豪自己一家已經有英藉
我睇樓主唔走都唔會出黎幫班後生仔！
你講得啱，情況完全唔同。
呢度係親子討論區，我估好多人同我類似！？
有子女，年紀唔細，本身有一定基礎喺香港，根亦喺香港，重點係「好X鐘意香港」。
仲有長老要照顧，5+1, 6年，好怕中間突然有咩事發生。
但係為咗留後路俾下一代，趁仲有能力同機會，先毅然放手一搏。
各位同路人，加油！好人一世平安！
7個讚
依家英國開bno visa 難聽d講係為左盡歷史責任比人「走難」，而要走既人係因為對呢個城市失望，而且覺得再留落去有危險。唔係因為風花雪月。
係人都知香港係全世界最好既地方，係超一流城市，我地響香港土生土長生活咁耐，呢個forum拿起手都一大堆中產高薪專才。香港我地有份建立，但到呢刻都想走，為乜？知既人就會知點解我地要選擇離開。
我一直以自己響香港土生土長而自豪，唔係CCP搞爛個場，乜嘢倫敦紐約，你估會叫到咁多香港人走咩？呢度係香港呀！
有D人會因為響英國生活唔到而回流，有D會因為到最後都係覺得香港係最好而回流，情況同依家我地一班香港人要走一樣，人各有志。我明點解，唔會扮高深離地天真嬌或晒命「唔明點解D人會走」。堂堂香港搞到今日咁，我地香港人已好難過，希望唔好再響傷口上灑鹽。
21個讚
咁唔係一定唔走，只係唔走住啫，咪等多幾年，當儲多個錢，小朋友學下中文都好。
我都因為工作關係，要等多兩年先可以走
樓主可能都係同路人
都唔係抨擊大家走嘅
只不過樓主好多選擇，喺香港小朋友又可以讀國際學校，有事上嚟話走就走
可惜九成香港人都冇呢個選擇呢
5個讚
嗯，我同意，重點唔係抨擊 
2個讚
有英藉, 如無小朋友唔會走, 有小朋友就多左顧慮
希望攞BNO走嘅唔會忘記平權係手足血汗爭取返嚟, 去到英國都唔會丟香港人架, 心念著香港
7個讚