心很累。除咗日日睇不斷上升嘅感染數字之外，仲要不斷張羅口罩。爬文之後先發現呢間網店係隔離台都畀人話過懷疑無咁多貨，但都不斷開賣繼續收人錢。
話說係年頭係佢間鋪買咗兩包口罩，間鋪好快就發貨
。打算再下一城，係佢間鋪再買多幾盒，原本話5月出貨，到咗5月話日本爆得好勁要延期七月。到咗7月就話延期，無話幾時到港。
對答態度差，又delete 人追口罩嘅comment，總之唔想畀潛在客戶自己交唔到口罩。 睇佢Facebook page有好幾個post 都係嬲嬲多過like，就知咩事
我奉勸各位JM， 要買口罩都考慮其他網購，起碼d 人跟足d, 又唔會一味send auto reply 叫人畀錢佢。勞氣勞氣
唔好亂上網買，咩預定個D根本未有貨，都係出面搵
AGREE~
其實香港廠家都有幾間生產小童中童 口罩, 慢慢搵下, 唔好比人呃~ 最緊要小朋友有口罩用.
買香港制造嘅口罩，現時lv2 lv3好多現貨
之前口罩供應緊迫，都應該唔少人俾呢啲網購呃！
唯有小心
我幫趁另一網店買、個店主都算老實、佢都好無奈話、有時同供應商落晒貨、先知冇、又或者貨期一改再改。
可能有啲網店唔想退錢、所以藉口多多。
你朋友收唔收返嗰$200？
呢d 錢$1都唔可以蝕畀d 騙子
呢間野⋯⋯媽媽谷一講，勁多人指出佢係黑店
唔單止媽媽谷知道呢間係黑店，希望有更多人知道呢間嘢credit 唔好，漸漸被淘汰。
該主題在最後一個回覆創建後30天后自動關閉。不再允許新的回覆。