我一直都知自己係咁
對自己小朋友會盡責
但去人地滿月果啲、唔會特別想抱個B, 見到啲一兩歲、會just to say hi, 會同個B的父母講客氣說話、但唔會由心出發個得個B 好可愛好想同佢玩。
成日比人話我點解生完都冇母愛
自己果個、現在上咗小學、我完全冇懷念過佢細個果陣、反而覺得現在大個左、會比細個聽教、舒服左好多。
老公話、佢諗法同我一樣。
2個讚
我嘅母愛只用係自己仔女身上，就算係親友嘅仔女，我都冇抱過或眷戀。
照顧小孩好辛苦，自己上岸就唔會再攞苦來辛。
1個讚
X3 我都希望我呢個快啲大
湊bb的確好辛苦
我調轉，生之前勁憎細路，生完先發現小朋友同狗仔都一樣好可愛。
2個讚
因為你覺得生仔只係人生必經階段，而唔係幸福心態
我同你類似 都係唔會想抱人地啲bb
生左之後就好鍾意自己既
同你諗法一樣 湊bb太辛苦了 佢大左 我覺得輕鬆左 都冇話掛住佢係bb果時（佢出世喊足3個月
）
1個讚
冇咩所謂，每個人既想法都可以好唔同。你已經好好，最少你盡左責任照顧自己既小朋友。
總好過果d人，口裡話幾自己鍾意小朋友，會搶抱人地黎玩下，鍚下。但要佢落手落腳照顧時，卻不負責任。
我都淨係鍾意自己果啲，不過都係一啲都唔enjoy湊小朋友，返工亦唔會話好掛住佢哋～好似好冇母愛咁
我有兩個仔，其實係中意自己個仔，但對住佢地又覺得顧好多嘢，成日都覺得好攰多過enjoy… 
我以前好憎細路，有自己果個淨係中意自己果個，但未至於母愛泛濫，我想返工多過想自己湊，自問無咁嘅耐性。
身邊有唔少朋友本身都唔太喜歡小朋友，生左之後變身咁，樂意做ftm自己湊仲感覺愉快。
1個讚
我生之前都唔會想同其他小朋友玩，係生左之後先會同自己果個玩
其他小朋友都係唔好搞我… 始終唔係人人都咁有母愛既
1個讚
對其他小朋友我向來無感，完全唔會覺得得意
但我超級愛自己個仔
原來咁多人都係咁，
我只中意自己個仔，人哋嘅小朋友我係零興趣。
但我會應酬咁對佢哋笑下…
我果個喊到1歲
頭三個月我未試過連續訓超過一個鐘
其實我享受湊大小朋友、同一家三口一齊的時光…但又唔會唔捨得佢大個。又唔會好似啲朋友咁一見到0-3歲小朋友就個心好似溶左咁。
未生已經吾鐘意小朋友
生完更加無視其他人的細路
其實老一輩有唔少都係咁，我外婆生於清末，重男輕女，但重男只係為左面子同係夫家生存，
所以從未見過佢特別錫個男孫，
應該話佢對所有內孫外孫都係一視同仁咁冷淡
該主題在最後一個回覆創建後30天后自動關閉。不再允許新的回覆。