今日咁多人講肺炎狼人殺
我又嚟玩下先
我諗左以下規則 但係未玩過
請大家比啲意見啦
病毒方：
病毒：每晩共同投出一個感染者
病毒王(多於一個病毒時啟用)：有決定感染者嘅最後決定權，自己唔會被查出，只可以被投出局或毒殺
感染者：自己唔知受感染，繼續日常生活，會傳染比密切接觸者(同一晚不會有二次傳染，同時病毒方不會被傳染)，受感染第二晩死亡
人類方：(按人數比例分配)
打工仔/學生哥：每晩各目選擇一個玩家出嚟食飯(非公開選擇)
的士司機：每晩選擇車兩個人
醫生：可以知道當晩死亡嘅人，有三支藥：兩支救人一支殺人(可殺任何人，包括毒王)
護士：一晩可以幫一個人帶口罩避免感染(可以幫自己帶，但唔可以重複比同一個人帶兩日)
醫管局：一晩幫一個人驗深喉樣本，驗中普通病毒，病毒立即死亡。
晚上順序：病毒 護士 打工仔/學生哥 的士司機 醫生 醫管局
