本人唔太識氹人開心，如果另一半工作上有少少不如意，你地會做咩令佢開心番或者釋懷?
幫佢按摩，然後。。。
4個讚
笑左，簡單、直接
陪佢傾等佢抒發下，係佢身邊陪住佢，佢想做乜就做乜
2個讚
煮個麵佢食
4個讚
扮下低b, 嗲下佢。做下無聊野，笑下等佢放鬆下
兩個摸下酒杯底摸下心事，等佢講佢自己既感受
都係一種心理安慰
正
由佢自己煩完先問返佢
廢事煩上加煩
由其佢既野問完我都幫唔到忙既時候
其實好睇你另一半喜歡咩方式抒發情緒
有人好鐘意講完發洩左就冇事
有人鐘意自己慢慢諗完就冇事
有人鐘意食一餐好就冇事
有人鐘意整一大餐俾人食完就冇事
有人鐘意做完運動流身汗就冇事
所以要了解下你另一半點做先開心
就跟住個方法去令佢開心啦
2個讚
最能釋懷嘅應該係:“做得唔開心唔好做, 我養你!”
霸氣又甜蜜~
1個讚
我會同佢一齊分析，如果係佢做得唔夠好就會討論可以點樣補救，同埋下次點樣做好d。除左同佢一齊理性分析，亦都要照顧返感受，令佢恢復信心。
如果唔係佢既問題就討論自保政策，同埋點樣行下一步棋，必要時要開始舖路搵工，始終工作團隊好重要，得自己一個做得野無用，跟著個衰上司同埋有一班豬隊友都係唔掂！
但好快又返回現實呢
按摩，聽佢鬧，認同佢。
終極係：你做得唔開心嘅話就咪做，我養你！
1個讚
於是我真係辭職做左家庭主婦
首先要諗佢為咩事唔開心，個唔開心係為某件事情定係D深層次既唔開心。
工作上唔開心都要知道埋係為乜野，同事問題? 上司問題? 客既問題? 收入問題?
唔可以一概而論。
如果係朋友唔開心梗係可以話飲下野聽佢呻下之後講拜拜，但依個係你另一半，要了解佢深層次既心事，如果唔係只會不停重複發生，到有一日你就會煩厭。
我會聽佢呻，佢呻完仲要支持佢話佢無錯，跟住再同講其他野，咁佢就開心D
終極嗰句真係好sweet, 但現實唔太可能, 我自己都唔放心
我哋係講得出就做得到架啦，原本做唔到都要令自己做到，我衣加都繼續進修緊考多幾個牌搵錢，遲下再讀埋master，老公都結咗婚之後補番個master升職搵多啲。
老公衣加係搵錢多過我但成日口輕輕話要食軟飯，我話好呀你湊仔煮飯，反正我份糧少極都養得起佢同小朋友，佢洗慣自己錢我就唔信佢頂得順做住家男人
聆聽