有BNO，而且已計劃緊，等BNO Details一出就會起動。如果bno details同預期冇太大出入，應該都會過英國…
但係，唔知有冇同路人同我一樣，其實我真係好唔捨得香港，即使香港已變到面目全非…
我響呢度土生土長，曾經覺得呢個世界上冇第二個地方好似香港咁正，呢度係全世界最好最好既地方(響我心目中好過日本添)。明明我成世人都習慣左自由自在響呢個地方生活，97轉左主權方，唔知點解享受到既民主自由竟然會越來越少，但有班人仲要mark大眼講大話，話香港人越變越好。在高位既人個個指鹿為馬，香港有良心既人受盡打壓，越來越冇人敢出聲。
依家果班食香港人血汗錢既所謂高官，個個好似只盡最後努力搶走香港人既錢，佢地d家屬個個有外國居留權，根本對佢地黎講打呢份香港工唔洗要良心同責任，搵夠錢退休就閃人去嘆世界。佢地袋港人錢，但唔止冇為我地出頭，仲夾埋技安蝦埋我地一份。
但我地呢班土生土長、真係愛香港既人，眼白白睇住自己地方任人魚肉，每日睇新聞都有新既規矩剝奪原本有既自由，講句說話都驚比人拉，每日都好不安好難過，好似乜都做唔到咁。自從上年反送中開始，呢種無力感已籠罩住成個香港。
好可悲，無論上一代定依一代既香港人，永遠處於不安定之中，擺脫唔到移民既命運。唔通走…真係唯一出路？走，係咪放棄香港？呢段時間不停問自己，走定唔走。但一諗到個細既，將來會變小粉紅喎…果套價值觀出去外面真係會比人笑比人歧視喎…而且仲會污染世界…一諗到咁又真係覺得冇理由唔走…
次次諗到最後都會默默垂淚…其實我真係好x鐘意香港。
25個讚
我無bno, 都等緊其他4眼出details, 條件OK都會走,
家有倆老又冇專長自己未必走啦，錢又唔多留返比啲細路走啦！自己享受過自由社會既美好年代，都希望啲細路可以有咁幸褔既生活!!!
1個讚
呢排望住周圍既景，好有景物依舊，但內裏腐敗嘅感覺。以前真係覺得香港好好，但而家…
上年開始發生嘅事真係令真香港人傷心透，但又比我地見到年青人無私既付出。有覺得移民真係對佢哋有虧欠，但又真係唔想下一代比中共統治。好矛盾。
4個讚
其實都冇話走係一定好，依而家呢個情況，自由可能越唻越珍貴，呢樣嘢唔係佖要，只係冇既話唔知佢哋會點，係生存問題上自由係唔包括既，但生活層面就唔同。
1個讚
如果你無小朋友咁諗都正路
1個讚
希望決心走嘅又有餘力嘅，可以捐啲錢俾淨低走唔到的在囚手足及家人。呢個算係彌補虧欠的一種辦法，量力而為
5個讚
其實除咗高官, 仲有啲鄉黑、星腥趕人同商家都出賣香港, 佢哋成班藍絲廢老覺得自喺香港辛苦咗大半世, 我哋啲黃絲同後生嘅搞亂佢哋享受收成期, 完全係短視自私同只為自己利益嘅行為, 我本來都覺得香港好好, 又自由, 又咩都有, 税率比其他國家同地區都低, 但而家連講句真說話都驚俾批鬥同俾三萬拉, 仲衰過喺終國
我只係唸緊, 我走, 之後可以幫到更多真香港人走嘅話, 值得.
我係好愛香港, 不過更加愛珍惜香港嘅人, 留得青山在, 要煲底見一定有機會.
2個讚
係好予盾，但世事不能盡人意，離開香港對子女或個人發展更好也不是壞事，可從另一個途徑支持香港人。
3個讚
雖然心中明白要置之死地而後生，但真正步入其中時，心中仍然好痛
2個讚
好複雜既感覺，有傷感有驕傲有婉惜有委屈
我信有生之年一定可以見到光復左既香港，因為香港本來就係一塊注定不平凡既風水寶地
父母當年由大陸走難到香港, 生咗我，今日我又要為仔女揾後路。兩代都因為一個政權走難。最激氣是所謂的高官根本無心為香港，難聽點是出賣!
1個讚
heimm
2020年07月16日22:10
20
我都係。
1個讚
你講晒我想講嘅嘢, 尋晚家庭會議, 一家有共識係想走, 有心理去新地方開頭要努力適應, 面對歧視, 就算語言未流利都要時刻好態度好笑容.
日後環境許可, 番香港發展都係我地優先選擇.
牽掛同顧慮當然有, 但香港咁樣落去, 長遠都係要走 
從來無試過好似而家咁愛香港