我唔知有無開左版，如果有話我知，我去返啱嘅地方開
我係居英權二代，父母係1997年之前係香港攞到居英權，咁我呢一代都有英籍。
上英國政府網站睇過我嘅下一代要有英籍嘅話就要係英國出世。
而家太太懷孕，疫情好似無轉好嘅跡象，諗緊過唔過去生好…
p.s. 補充多少少，上網見有人講過，小朋友18歲前成家移民的話係可以入籍，不過小朋友要係入籍前係英國住滿三年，同埋而家講緊BNO5+1，唔知之後對居英權嘅子女有無唔同待遇
BNO細節未出都好難講
我都係BC BY DESCENT, 但果時無去英國生(因為驚, 英國要人順產唔比開刀, 而我一早決定要開刀生) , 如果今時今日先陀仔都會考慮去, 攞本PASSPORT先
3個讚
而家真係15／16，又驚個邊醫療系統唔知點，又驚疫情，又驚搵唔知邊到生（有聽過個邊係助產士無醫生接生），但又驚遲啲個小朋友無英國護照…
係幾煩, 果邊做產檢安排又唔知點, 建議你問下有經驗嘅人, 太遲又唔比上機咖啦
咁又唔駛將來驚攞唔到PASSPORT, POLICY無轉的話都係3+1, 時間耐左囉, 唔似而家一程飛機票就搞掂!
兩個方法都有正反, 開家庭會議研究下
1個讚
BC by Descent 好似下一代一定要響英國出生先可以直接繼承英國藉？
我都係居英權二代，依家係孕婦，香港最近疫情第三次爆發，但英國疫情仍然嚴重過香港好多，所以我完全無考慮過去生。同埋點都幫BB攞咗特區護照+回鄉證先，未來嘅事好難講。我本身都諗住2年內全家搬去英國長住，如果到時連英國都唔可以dual citizenship先放棄香港籍。
唔洗擔心，英國係絕對可以開刀的。
1個讚
唔係咪要SETTLEMENT VISA 3+1 先攞到囉
攞就可以攞到, 係時間耐左同投資大左
1個讚
而家當然唔擔心 
, 生左10年啦~~~ 亦唔會再生
我又唔太擔心無特區護照同回鄉證喎，父母係香港人有身份證就申請到
2個讚
暫時應該都係傾向 settlement visa，始終疫情關係，雙方屋企人都好抗拒搭飛機同去英國
其實另一半攞dependent visa 係咪應該易入籍過bno 5+1?
唔一定的，我有朋友5年前英國生，小朋友一歲幾搬返香港，回鄉證reject 咗，但亦有成功嘅cases，非常飄佛。
1個讚
而家回鄉證真係好飄忽，估佢唔到
其實你過去生，BB已有英藉，太太將來申請spouse visa. Saving requirement $62500/年薪$18000。
如果香港生，將來太太和bb一齊申請family visa, saving requirement $7xxxx(唔記得）/年薪$22000。
你是bc2,你下一代一定有英藉，一家人坐幾年移民監就ok.
你將來都預要一家人移民（除非打算留老婆一個係香港），咁英國移民一定一個都不能少，所以其實分別唔算好大。
我反而覺得你只需要考慮太太，香港生定英國生佢會好啲，包括風險，產後照顧(英國有冇人去照顧媽媽？知唔知如果BB touchwood有黃有其他問題，在外地有咩support?)。
女人生仔係鬼門關行一轉，希望爸爸一定一定一定要將老婆放第一!
9個讚
絕對同意，再加上疫情關係，應該都係香港生，遲啲過去坐幾年
你一定係一個好老公，好爸爸！
我都打算生第二胎，都有1516好唔好去到英國先懷孕（已計劃好兩年後移民），但始終生仔係搵命搏，年紀越大媽媽和BB的風險都越大，所以健康最緊要，最後儲多少少saving帶多個走。
1個讚
過獎啦！好多野都仲學習緊
上網睇左好多人分享係英國生仔嘅經歷後，發現都係香港醫療適合香港人啲 （唔敢講唔好），都係努力搵錢遲啲3+1
我朋友早排未有疫情響英國生，佢要去私家開刀因為話nhs要順產（好似香港公立咁）… 但樓上講得好岩，最大既問題係第一胎，得佢同佢老公兩個照顧，根本就唔識，亦無人可以幫手，坐月坐得好差，基本上無咩休息，仲差啲產後抑鬱… 
佢本身係打算只送小朋友去英國公立讀書，所以先過去生…
如果你係打算移民，其實無過去生既必要
我都plan 緊拎settlement visa, 第1胎係香港開刀生，都plan 想有第2個 同開刀生，1516緊係香港定去英國先生好，NHS 應該唔俾開刀？想知英國私家醫院開刀要幾錢？