Bb岀世果時飲咗胎水
有肺炎 要打7日抗生素
好擔心佢 晚晚訓唔到教會係咁喊同諗
但醫生話係好常見既
有冇bb都曾經係咁 而家真係食飯都會諗住Bb
好似真係好常見，正面啲，又唔係咩先天問題。
媽媽好好休息，努力泵奶!BB 好快返屋企，到時你想訓都冇得訓！快啲食多碗飯！
2個讚
我
我出世嗰陣係咁
而家好健康 放鬆啲啦
2個讚
多謝媽媽 真係擔心到食少咗好多野
要食返多啲先返啲奶
我好明白你…
我呀b唔係肺炎，只係黃要照燈住左3日醫院已經掛到不得了
仲要成日響度擔心係咪有咩唔妥
岩岩做人呀媽係咁架喇，輕鬆一啲啦，既然醫生都話好常見，咁其實都唔使擔心嘅
1個讚
係 真係咩都會擔心一餐
又會好掛住佢
我朋友個b 都係一出世打左七日抗生素，而家都幾歲喇，健健康康，唔好擔心
2個讚
我本身有B鍊，生果陣落唔切藥，BB一出世就要去打一星期抗生素。
一開始仲話佢個肺有聲，懷疑肺炎，但係之後話照肺冇事，似係有少少胎水冇清到。
不過都係留院一個星期打針，中間仲照左兩日燈
我出左院仲日日返去睇佢，其實諗返，岩岩生完應該要抖下，自己又攰，又冇時間飲水同泵奶，結果發燒。
而家媽媽最重要照顧好自己先，兒科病房啲姨姨同姑娘都好好人，唔洗太擔心
1個讚
好常見，我大仔都係，嚇到我喊到收唔到聲，仲要話嚴重肺炎，瞓曬箱又要插喉，醫生又講到好大件事話最嚴重會死。
依家都讀小學，跑到我都追唔到佢，乜事都無，吸完胎水吊左七日抗生素療程就可以出院，大啲同佢去游多啲水強化心肺功能就得。祝bb早日出院，凡事一帆風順
4個讚
我見佢喊果時會咳 醫生話個肺仲有少少花同條氣有啲喘 聽到真係會勁心痛
同你一樣岀左院都日日返去睇佢 個心會好掛住佢係咁諗住BB
好明白，我當然乜都聽唔入耳，醫生又答唔實幾時好返。但小朋友康復能力超強，我仔除左肺炎外，心臟都要事，一歲前要去醫院keep check 心臟，依家全部不藥而癒，所以你俾信心俾bb，佢係感受得到你的正能量！
再望下其他喺NICU的bb，你bb已經比佢哋算小問題，對bb ，姑娘都要有信心，day 3比day 1好，day 7就會更好！好快就一起出院回家。我七，八年前同一問題都搞得掂，依家醫學更進步，一定平安順利！
2個讚
好多謝你 聽完個心真係會定啲 做左媽媽真好咩都會好緊張 好怕自己小朋友唔舒服 會好心痛 所以聽到你咁講個人真係會定好多 自己一個係咁諗反而好屈住屈住
定啲就好
嗰時都會諗咁細個就用抗生素，又要駁呼吸機，插曬喉，大個有無後遺症
但發覺係無
醫生一定講到最壞情況俾你知，佢哋保障自己，但就嚇到你半死。你心臟要強大d，注意自己產後情緒，有太多負能量就上來講，同家人講/同醫院姑娘講，不要屈住屈住
1個讚
明白你，好多bb剛出世會好多野未穩定所以要住院，我bb初出世時，留院照10日燈，又話佢聽力出問題，又話甲狀腺素唔合格，幾樣野打擊我，岩生完個下成日要出入醫院睇bb。最後宜家聽力無問題，重嫌佢耳仔太靈，照完燈黃都ok. 只係甲狀腺要keep覆診食藥。祝bb快快好返，唔洗媽媽擔心。
1個讚