泵極都係得幾十ml
啲奶又稀
有咩方法改善？
你bb幾大呀？同埋泵幾耐？其實都係一直埋身，佢食完你再泵令到個胸知要多啲奶架渣
可以試下埋完身再泵，身體會造多啲奶，
你覺得阿b唔夠食咩？
我之前食過more milk plus同埋多奶茶，食完more milk plus 都幾谷奶嘅
Bb 10幾日，已經食緊90Ml la
我跟唔上呀，所以餐餐都補奶粉
頭幾個禮拜一定係追奶追到癲…但你想成功追到就盡量唔好補咁多奶粉喇! BB識啜嘅話 一定係全埋身最好，總之佢一餓就比佢啜，就算只係餵完半個鐘一個鐘 佢又餓 咪又比佢啜囉，咁你個身體先會不斷造多d奶…加油! 追到奶後 日子就易過好多!
2個讚
我岩岩生完果時就係唔識⋯
個b埋身完訓左半個鐘又喊食，果時唔知原來要趁咁樣追奶，以為自己無奶就開粉俾佢食，搞到而家個半月人仔先埋返身，應該都有排追
樓主加油呀！
1個讚
唔好理﹐
飲多D液體(湯、茶、水)﹐
正餐食好D﹐
多埋身﹐
量係靠BB你以為無所以唔埋身其實就係算BB扯高個supply﹐
質係靠飲食﹐
加油呀!
2個讚
你覺得奶稀似乎大部分前奶咋
你泵幾耐？
我開頭都唔識，只泵10分鐘
原來最少要20分鐘，仲要最好出3次奶陣先當泵完
因為前奶係水d,後奶先多少少脂肪呀飽肚d
我有朋友話如果阿b經常只食前奶，便便會好水架
我自己都唔係泵到好多奶，但勉強可以一日食6餐（家下2個月人仔），當中4-5餐全泵出的人奶
另外有好多教power pumping,我上星期試左，好似真係泵得多左
因為我7月剛剛開始番星期六、日番part time
一番就打亂晒平時泵奶時間
搞到少左奶
所以我就試那個power pumping, 感覺上係多左少少
另外都可以情況下，泵密d，泵密少少又出多少少奶架
飲多d水（湯呀，炒米茶呀，黑豆茶呀）
真係多飲水先多奶
仲有最後要多休息
個人攰都泵唔得多
加油努力
泵奶時都用念力同自己講唔夠阿b食呀
又會泵多少少架
當然埋身食最上奶啦
阿b埋到身就埋身食
1個讚
多謝大家咁用心嘅解答呀
我而家就係咁呀，啜半個鐘就停跟住喊，所以我應該要比佢繼續啜？
yes, 比佢繼續啜, 我果陣都係咁, 佢幾個字就喊, 明明我已經無奶都繼續比佢啜, 佢慢慢就會追到上去, 頭一個月係勁辛苦, 食多D飯, 奶會杰D飽肚D, 加油
如果有多次機會
絕對會俾佢幾時要食就餵，唔會補奶粉
我當時試過頭幾日，真係好攰同辛苦，但係我諗當時我有咁做既追，好有可能可以全人奶
咁如果佢唔肯啜又勁喊。。。咁應該點做。。。
之前靠埋身同飲黑豆通草水追奶