計畫結婚中
唔會擺酒/出門，都係簡單行禮簽個紙咁，一切安排&費用都係我地自己搞掂
我都唔知雙方家長見面有乜好講
諗到四老你眼望我眼就有D尷尬
但如果結婚當日先Nice to meet you好似有D怪咁
大家ge雙方家長通常婚前幾耐見下？同埋有乜要傾
先whatsapp傾
confirm 結婚就會見，都係介紹下warm up 下，唔會傾得深入住，可以同另一半夾下會否出現出奇不異既問題，例如一野講禮金，正常都唔會第一次見面就講掛。
咁就要靠你哋兩個緩和下氣氛。
四大長老知唔知你哋乜都唔搞？
諗定d話題啱佢哋四個。
我個時同老公各自同屋企人講我地plan左係點先，再約見面食個飯，當面講返禮金圍數就ok啦
當然你要confirm雙方家長都無問題先好見，否則出到黎都唔知講乜
1個讚
雙方家長見面有咩講就交比佢哋發揮啦，快快脆脆食完個飯就算，冇理。 
2個讚
有無兄弟姊妹佢地有無小朋友呀？ 我聽聞有細佬響度氣氛會緩和好多
1個讚
雖然只係簽紙，可能要了解會唔會想有傳統野，如過大禮，上頭，安床，要唔要餅。我果時估我奶奶唔到問我父母係未拜神，我父母話裝修連地主都請走埋，我奶奶o咀
1個讚
先各自同自己父母傾好婚禮個安排
我係婚前三個月約出黎傾, 事先brief定兩老對方屋企有咩文化習慣, 費事見面果陣O咀
當日都冇傾過咩禮金, 都係私底下解決
其實都冇咩common topic 係好彩呢排咁岩可以傾下疫情, 冇得去旅行 etc…
2個讚
你要有心理準備，唔好以為見左面傾好晒啲野就搞掂。
佢地講果啲:我地屋企好簡單嘅、我地唔係賣女、我地唔使咁多繁文縟節之類嘅說話，千祈唔好信!
長老們會在你地一面籌備時一面加意見、發晦氣、講過唔算數、聽完啲姨媽姑姐講完啲八婆野又俾說話你聽…
佢地唔按理出牌㗎，唔好以為BRIEF左就冇事。我阿媽真係錫我所以返到屋企先爆我，唔在酒樓反對家枱咋
2個讚
我當年同你好似，你以為冇嘢傾其實佢地老人家會自己搵到嘢講。
例如我阿媽從來唔讚我，第一次見我奶奶竟然讚到我都唔好意思。
然後佢地又會自己傾下平時食D乜呀、幾時抱孫最好，
又會傾下自己其他細路其他孫…
你可以自己諗定D話題冷場時講下。
不過最驚訝係提都冇提禮金。我老公識做自己比左，我阿媽幾乎全數買返金器比返我。但我諗一般人應該會提，你自己諗定底線好D.
3個讚
你有個四老WhatsApp group？
你媽媽好sweet啊，怕你比夫家蝦先將一直收埋ge讚美拎出黎吧
我諗佢誤會左以為我夫家好有錢，驚佢地睇我唔起 
所以佢係咁讚我顧家、處事成熟之類，focus響我品格，其實諗起sweet得黎幾好笑
2個讚
我雙方家長都係客氣型
當時係尷尷尬咁食完餐飯
好多細節嘢都係我哋兩個自己搞掂
1個讚
提外話 想問下依加收人禮金大約幾多?有冇中位數?