想呻下…
有冇人奶奶份人無乜野，但同時又覺得佢既過份關心好煩
好似我因為皮膚問題，以往對飲食都好嚴格，唔食得就一定唔食，唔需要食既都唔會食，仲日日做運動，touchwood都無咩病痛，仲健康過佢，反而佢日日都食藥話自己唔舒服
但我奶奶就成日話我唔食野無營養！聽左無數次亦解釋過，佢仲係成日叫我食呢樣食個樣，又話我唔食水果，煲左湯又唔飲，糖水又唔食
依家有左仲講多左，話我唔食bb都要食，我跟本就食唔落，又未到bb吸收時候
我覺得好困擾，但依家有左有排都未搬出去，最快都要等bb出左世先再搵地方，但對於佢係咁叫我食野我覺得好大壓力，每日都只可以呢埋係房或者返媽咪度靜下
難道愛和關心
交出通通是錯
我都知道係出於關心，不過自己唔係好需要
話問咗醫生，係醫生建議
真係要老公出聲先得架，我奶奶都係會煲好多湯煮好多餸果d，
因為試過唔好意思而食少少，結果佢就覺得我煮左你一定會食啦~
之後老公都有幫口話我唔食得，而且講左唔食真係一啖都唔會食，
而家奶奶整之前會問左老公先~ 
話係營養師同醫生建議。
然後叫隊友私下再講多一次，請99放心。順便提及關心變壓力，好事變壞事，阿b出世變mung薑。
經驗之談，生左b的話佢多數會變本加厲，
所以可以的話搬返娘家坐月較好，
老人家性格只有你就佢，佢地係唔會改/改唔到
我有咁講過架，不過佢成日都認為我睇個醫生唔好囉
好無奈
我老公同佢媽關係唔太好，所以我都無講d咩呀…自己食到就食咋，但有時食唔哂又話我食得少囉
我老公叫我唔好理佢架咋，佢成日都叫我自己想點就，唔想食就唔好食，佢自己幫我食曬…都唔會講d咩，因為佢媽唔聽人講野
已經諗左係會返媽咪度坐月！因為實在怕到時頂唔順屈出病
你講得無錯呀，佢地慣左好難改…好似叩門咁，次次都突然間大力叩，有幾次都比佢嚇親…想像唔到bb係度會點
佢哋嘅出發點係好，但表達嘅方式又真係唔係咁易接受到，仲要同媽媽唔同，由細到大慣咗佢關心嘅方式，99都只係你識咗幾年嘅人
我老公到依家都唔中意我奶奶個方式，始終人人性格都唔同，我就更加唔慣，同呀媽講野都話可以直接d，對住奶奶又唔想佢唔開心
有神隊友，就已經贏左一半！
想呻就上嚟呻下啦，知道您現實中安好，便已足夠！
聽落99都係好人，只是太執著於自己個套。
同99慢慢磨合，
大家都要知對方嘅底線喜好，才能相處愉快。
睇黎樓主老公都係慣性ignore 奶奶，我覺得可以潮跟喎 
講講下佢自己都冇癮（希望啦）
不過把口生喺佢到，樓主都只可以左耳入右耳出，始終佢出於關心，又唔係自己阿媽，所以要保持禮貌，冇得太直接表達自己
屋企有bb 頭幾年個個都緊張啲，加油啊，唔好比其他嘢掩蓋咗有新生命嘅喜悅 
我家奶奶都係過份熱心類型，而我都係比較有自己一套，弊在我唔識拒絕人，一開頭好多嘢自己硬食，搞到自己爆炸
我奶奶同你奶奶一樣，唔係唔好！但過分關心會令人好煩，越接受就越做多！唯一方法真係避開唔見，因為bb出咗世只會越來越煩到時你同老公講得多，佢會覺得係你問題唔係佢阿媽問題！
都係既！我老公有時都會話我太錫佢呀媽，因為我會做家務，佢唔舒服我會關心下佢，佢話咁樣變相搞著自己，叫我唔好理佢咁多
依家耐左真係會覺得佢當我對佢好係老馮咁…所以有時都唔係咁開心，佢都唔係真係聽我講野，得佢自己個套
我老公係呀…佢成日都唔so佢，話佢好煩喎，我反而覺得就係因為佢唔so奶奶，所以我奶奶先愈講
但我奶奶係一講野就唔停架…我自己本身中意靜靜地，特別係屋企，所以到依家都好唔慣，有種成日都要回應佢既壓力
依家有左壓力仲大，希望我遲d返工會好d啦，起碼唔洗日日係屋企
如果我第時要做人奶奶，我真係會比多d空間自己d仔女，過自己既生活，係仔女有需要個時先搵我我都ok
其他2人世界先最好
咁好好彩我老公係企我個邊既
佢媽問題唔係一日既事，係我地結婚前已經有，以前老公講我都唔信，一齊住就知真係好嚴重！