好多人都話bb會有豆雞眼，大個啲就會無事？大家有無人有呢個情況呀？
斜視
自己呃自己
襯細個去揾專業人士啦
係斜視
我嗰時都懷疑小朋友眼有事，問過健康院醫生，搵過眼科醫生，佢哋話小朋友鼻樑位未發育，變咗兩隻眼珠望落相距好近，跟住佢哋搵電筒幫佢照過，都話冇事，如果你真係好憂慮，下次去健康院可以見埋醫生檢查下
1個讚
好似之前有用電筒照過話無問題，等我下次再去問下先
我之前都擔心過，跟住搵眼科醫生再check，虛驚一場，不過買個安心都好！
幾bb？我仔頭一個月到都有啲，而家兩個月無啦。覺得係既比醫生檢查一下
2個月呀就係，不過好少好少豆雞，下次我都係問下醫生先安心啲
點會大啲就好番？去睇兒科啦。
我覺得等醫生檢查一下先
我個bb都係咁,果陣6、7個月左右,見左醫生安心晒~
1個讚
我仔出世幾天就去香港眼科醫院了，一路跟到現在2歲幾。基本上佢哋好專業，有兒科斜視科，每2－3個月幫你小朋友覆診，去到適當時候會做手術（不是個個都要做）。你只需要隨便攞張醫生referral letter就可以去排。tips: 帶bb去大堂見護士長可以問有冇快期。bb咁細的話，早上9點去見護士長，佢哋都盡量安排即日同你睇。眼科醫院無熱水提供，自己帶夠奶嗰啲嘢。都有個餵奶間的。