bb個半月大
除左出世頭幾日有過埋身，因為bb一郵埋身就爆喊，所以打後日子我都係泵奶，兩邊加埋30ml
今日試左兩餐俾bb埋身，佢又無喊喎，俾佢左total 半個鐘，再補多奶粉60ml，之後我再泵多半個鐘，又係泵到30ml，我就好懷疑究竟bb夠唔夠飽呢？下次埋身係咪應該俾佢啜耐啲先補粉呢？
畀佢啜到夠為止
你越補奶粉佢會減少對你嘅需求
變咗你啲奶會越來越少
正常初生b一日食十幾餐好正常呀
幾乎你同佢要24小時面對面
但過咗三個月會好好多架喇
加油媽咪！
1個讚
下個月要返工喇
係想俾佢試下埋身，希望泵到多啲，返工都可以俾到佢⋯
泵會越泵越少，要多奶係要埋身
埋完身再泵先會多奶量
PS全母乳到bb18個月，我初初係窮媽，差d餓到bb入院
我b又係得頭幾日係醫院埋過身，返左屋企後都無點埋因為比佢啜到損左，用左奶樽之後佢就開始唔刻埋身啜，會狂喊。
不過我就keep住泵。你可以試下泵密啲吖…我初初出院頭半個月，泵二十分鐘加埋都係得60ml到，初時我真係兩個鐘泵一次，無奶出都繼續泵夠時間，會慢慢多奶架～我而家唔係超多，但每泵都有～180-200到，暫時都夠佢飲
加油，我果時餵晒兩邊，然後飲水再泵。
不過咁會好辛苦，記住佢餓會喊，雖然我咁講完你都可能好擔心。
不過記得媽媽要快樂，BB先開心。
利申:埋身加泵餵到歲半
我埋完身再泵多十分鐘倒就無奶出
咁係咪應該要繼續空泵呢？
我密密泵左成個月⋯
個仔食一餐我就泵一之，但係泵極都係30ml 
我仲有半個月返工，諗住呢段時間都埋身完再泵，希望可以增加奶量
個b食完無喊既⋯但伸脷同唔肯訓
都唔知係咪唔夠飽⋯
yes，可以空泵
刺激下乳腺
餵左差唔多8、9個字，但佢都好似唔夠飽，仲有伸脷同咀郁，我手揸都好似清左，係咪唔使再泵呢呢？同埋係咪應該補奶粉俾佢，下次佢肚餓先再埋身呀？
補粉你會越黎越少奶，等bb餓再比佢埋身，佢啜就自然會有奶，比d信心自己
你要補充多d水份
有時間有精力可以繼續泵
我都唔知佢係餓定係扭計
好困惑呀
佢又訓唔到咁⋯都唔知而家個半月先黎改變模式咁樣係咪好
我一有時間就飲水架喇
我果陣係放題咁比佢啜, 啜到攰瞓咗就大家休息, 慢慢就追到上去, 如果你餵完佢都仲泵到出嚟, 即係你有奶, 可以繼續泵, 泵到無晒都再空泵多十分鐘, 就可以增加奶量
利申: 母乳媽, BB而家15m
1個讚
咁咪即係差唔多全時間抱住佢任啜⋯ 
要幾耐先追到奶量架⋯
仲有半個月就要返工
我又驚咁樣會唔會變左人肉奶咀
我坐月果陣就係咁, 一個月左右已經追到夠佢食/最多補一餐奶粉, 好在我仔無變人肉奶嘴, 因為佢食夠就會放口, 唔駛啜住瞓, 所以到我返工時, 要轉奶樽都好快就轉到
唔會啦
我小朋友18M自然離乳，自己唔想再飲，成件事好自然
比佢啜下，都有安撫作用，但又唔使24hrs啜住
我小朋友飲咗咁耐人奶，最後只係飲時先啜，又唔使用奶嘴