武肺爆發前約左今年二月做兩歲評估，因為疫情下取消左。最近從新再約，職員話依家唔會面談，只會以電話方式做評估。咁算啦，都要接受。
約左7 月2 日12點收佢PHONE CALL，已經金精火眼等佢電話．．．無打黎。尋日上午再打去，文員接聽，話會CALL BACK，等到下午又無。打左去總機嘈，佢話會返健康院CALL BACK，咁嘈一嘈就即刻CALL喇（有來電顯示）。再約元朗紀念日做PHONE ASSESSMENT。然後佢話其實6月29日有CALL過我架（明明約左7月2日），我無聽。CHECK返當日的確有一個無來電顯示嘅來電記錄。我就話可唔可以有來電顯示，我用左小熊來電，一律BLOCK哂架喎，有顯示起碼我會知邊個打黎丫。佢就話做唔到，只可以叫我熄左個APP佢。我話我唔識熄喎，裝左幾年架喇，仲有你打比我BLOCK左，仲可以留言架。佢話佢地唔會咁做。
即係唔會有來電顯示，打唔通唔會再打，亦唔會留言，亦唔會考慮其他現今普遍嘅即時通訊方法，除左可以網上預約/改期，同三十年前無分別。疫情下嘅健康院真係好做。