人到中年，英治時期嘅填鴨式教育，幻想97後嘅背靠中國，點知食正金融風暴，911, sars…到而家全球大混戰+世紀疫症
又要顧住大，又要顧住細，人到中年，唔上唔落，大家有冇少少一樣嘅感覺？
3個讚
樓主你似失眠夜感懷 
到盡頭,回頭望,就覺小事了 
3個讚
又唔係失眠，係有d奄悶咁
我同你應該差不多年紀，而家回望過去呢廿年其實都係經歷一種，只係覺得自己做得唔夠多！
咁我又從來冇幻想要背靠祖國，香港人即使港英時期，一直都係靠自己才有今日。只不過港英時期是一個天時地利人和的年代。
你講既每一個經歷，每個香港人都經歷緊，可以行行到今日，己經好幸福。有d人係捱唔過，可能已經失去寶貴的生命。
做人要向前看，機會仲係有好多，中年啫，仲有排捱
3個讚
有時冇得諗返轉頭
珍惜現有的人和物
坐定定食一餐安落飯都唔容易
每一代都有苦自己知 自決自決自決
1個讚
向好處諗，我地仲係香港掙扎求存中。
對比出生係非洲某鄉郊人的，我們的經驗可能比人地一世人多。
快樂，自由和見識真係多好多。
要熬的日子還有很多
希望回望時見到光輝
♀
2個讚
樓主，我同你年紀應該差不多，好明白你講嘅嘢。
雖然我哋返唔到過去，但亦希望將來仍然係幸福的。
我而家每日都為細路諗佢哋嘅將來，我哋可以俾到幾多佢哋；慶幸嘅係兩邊父母暫時仍然健康。
互相鼓勵同支持吧
我指成個社會氣氛都講緊背靠祖國咁…
好似砌左好耐lego , 差唔多砌好，但而家要拆左佢，去第二個地方再砌過，以前年青有幹勁，而家過半百，真係有d 吃力
1個讚
係99年結婚，
這段時間，社會上好多人失業，
阿仔係二千年出世，
有咗小朋友之後，更加體會到03沙士嘅影響力，
疫情+經濟不景氣，
每日都有人自殺消息，
就係見識多，先識擔心咁多，乜都唔知有時可能心態更好
砌緊1000塊砌圖，無啦啦比人偷左幾粒
1個讚
細路仲無奈，夾住呢個世代旋渦
可惜…
我們是一群呼吸自由空氣，浸淫於流通資訊的香港人。
我地連食隻蛋都可以揀中國，日本，英國定法國…
正面地向前看
2個讚
背靠祖國既感覺，一開始好少，「一國兩制」ma，仲真係以為可以河水不犯井水。
但回歸23年，都係上年有送中才開始，開始知道有d forum既思想係咁「恐怖」，才確定左肥彭果句「香港既自由，係由香港人手中送出去」
不過，經歷過上年200萬遊行，區會選舉，又唔會太灰，最少知道香港仲有好有良知既香港人。 
1個讚
同感，有小朋友就做咩都值得。
冇既就無需要咁駁。
97後工作嘅一輩應該唔差得過97前工作嘅一輩.
97前易揾工/經濟好，令到好多人上車買樓，我係其中一個，跟住金融風暴/沙士，層樓變負資產，經濟差/失業率高，同時又已經有小朋友，又要養四大長老，嗰種壓力大到呢…
反之，97後出嚟做嘢，儲幾年錢剛好可以喺係樓價最低嗰幾年上車，然後經濟開始復甦。
不過對我嚟講，以前點差法都唔差得過而家。
以前覺得捱過咗就會好，而家反而睇唔到將來。
無前途,講完
唔覺.
覺得自己80後出世, 97後工作算拎返個尾彩, 可以用正常價錢買到屋.
又享受到英治時期讀書的感覺, 雖然中小學填鴨式, 但大學時期真係好正.
從冇諗住靠邊個國家邊個人去生活.