結左婚三年，未有小朋友。
每天起身我會主動錫下老公先返工，老公就每晚錫我。
1個讚
太公式化了
1個讚
唔明點解公式化?
我冇。但覺得咁樣幾sweet r.
不過我會聽佢講公司或者日常生活既野。佢會講幾次或講不停。。佢會最樂意同我分享。。。。結佐婚都>10年。
1個讚
結左婚就快5年, 兩個小朋友…細個個自從有嚴重濕疹攪到我好緊張, 加上社會事件同埋疫情佢生意差…我地越黎越少嘢講…
幾好。
結婚左八年幾，除左生日，其他紀念日睇到好淡，簡單買個蛋糕食就算慶祝，日常乜都會傾，但有時忙到兩，三日先有時間同對方傾下計，平時都係whatsapp 我老公。
傾計都係傾下佢屋企同疫情對生計影響，最近都無乜拗撬，平平淡淡咁囉。
有小朋友後就係另一個模式, 話題都係圍繞小朋友, 似伙伴多過愛侶, 因為要共同打大佬 - 仔 
1個讚
我同我男朋友未結婚未生仔，所以應該未有咁多問題
不過我哋都已經拍咗15年拖，到今時今日都仲有少少熱戀期嘅感覺，至少放工放假大家都仲會趕住見大家，平時都會好珍惜對方，唔會話慣咗就懶理
以下係我哋嘅相處方法
-
無論我哋已經幾熟都好，都一定要記得講「唔該」同「對唔住」
「唔該」呢個字唔洗理佢係咪真心，總之講咗出嚟人哋聽落舒服就得，會令對方冇咁易產生抱怨嘅情緒
「對唔住」呢個字好難講不過一定要講，有錯就要認打就要企直，如果死都唔認最後搞到嘈交只會消磨大家嘅感情 -
面對現實嗰陣要保持理性，玩嗰陣就要似返個小朋友
好老實現實世界真係會令人好攰，返工又要受氣，生活又要計住支出，男朋友返到屋企都係想搵個避風港休息吓，逃避吓現實，所以你唔需要吓吓都咁理性提住佢生活有幾難，玩或者扭計嗰陣做返個小朋友佢會好開心，雖然個畫面應該幾核突，試想像吓2個30+嘅大人喺屋企玩到9叫同埋碌晒地係幾咁恐怖嘅事，不過佢都有講咁樣會令佢壓力細啲，同埋我都好鐘意佢讚我得意 -
互相主動參與大家嘅興趣
唔係事必要你鐘意做你男朋友嘅興趣，不過至少應該要試吓囉
例如我本身唔係好鐘意運動，但係為咗男朋友我都會陪佢打籃球、踢足球同埋踩單車，仲會嘗試睇波同佢一齊笑啲球員幾on9
好老實我就唔鐘意睇波嘅，覺得成棚人喺塊草地跑嚟跑去唔知做乜，但係當佢自己一個喺屋企睇波冇伴嗰陣咪陪吓佢囉
興趣都係生活嘅一部份，參與對方嘅興趣可以了解多啲佢，而且自己都學到嘢，大家又多啲話題，何樂而不為呢？ -
呢樣嘢我覺得我哋幾特別，就係我哋其實都知對方部電話個Password係乜，但係都唔會睇對方部電話，除非對方睇到好笑嘢嗰陣特登伸部電話過嚟畀自己睇
我自己幾鐘意呢個平衡，因為你心知你有需要嘅時候隨時都可以睇佢部電話（雖然從來冇），所以根本唔會產生任何懷疑嘅心態；同時我哋又唔會睇對方部電話，所以亦都唔會產生對方唔信自己嘅諗法
6個讚
可能係因為維持關係同錫完全無關係？
完全冇關係應該唔會既。
佢肯出街拖下手果啲身體接觸都係維持夫妻關係既一部分。不過我自己少錫啲。不過我又覺得錫下都幾sweet r.不過心靈層面緊要啲。一個明白自己既老公老婆關係一定不會差。我更好彩我倆的政治睇法都相約。。。
1個讚
互相搞gag引對方笑
我地相處唔可以冇笑話，除左對方之外，都搵唔到另一個人引到自己笑
我結婚22年, 對老公又愛又恨
1個讚
非常同意
因為樓主topic係維持關係
如果只係早晚互相錫下，我又覺得對維持關係作用不大
日對夜對，最重要係大家如何相處，而唔係靠個吻
3個讚
乜都同對方分享，尤其分享多啲無關痛癢嘅無聊野，搞笑嘢、八掛嘢，一齊大聲講大聲笑。
唔好成日產生咁多煩惱比對方、怪責對方，少少事就自己吞咗佢，唔好成日發脾氣，管理好自己情緒。
一定要保持禮貌，多謝同唔該一定要講足，尊重對方，大家都要有私人空間。
有一啲令對方舒服嘅事，就算平時唔小心發惡佢都會諗起你曾經溫柔⋯⋯例如我老公鍾意我幫佢按摩、採耳、煮好嘢俾佢食。
講下我自己先
今個月同老公結婚9年啦
由拍拖到結婚基本上係日日見面，大家相處時間好多
維持關係我覺得已經由連體嬰變成以家庭為主。
但我覺得呢個好正常，大家有咗小朋友，唔通下下係小朋友面前打車輪同互相做身體檢查咩 我地係小朋友面前都會錫，又會錫埋小朋友一份，不過呢類錫係愛同close嘅表現，唔係激情kiss
我同老公依然會2人世界，但有小朋友後點都唔會只考慮我地自己，總之做乜決定都要考慮埋小朋友，呢個情況下好難會浪漫
我老公本身唔係浪漫嘅人，但佢好多門面功夫會做足，eg節日生日會買花寫卡，有fine dining，但講真我真係唔覺得浪漫我覺得係大家一齊慶祝咋。可能我係一個要求高嘅人，我老公基本上無驚喜比到我，所以我覺得唔係好浪漫
激情好需要浪漫+無顧慮去維繫，有小朋友後真係好難做到，但問我仲有無愛嘅感覺呢，我又覺得仲係愛，未去到拍檔level（再過多N年就唔知啦）
我覺得維持關係最緊要係大家對對方有要求（對關係有付出），同時又要諒解對方、包容對方（好難
，嬲起上黎好想離婚）
到今時今日我都仲係好好火，會鬧我老公，我老公某程度上有d犯賤，覺得我鬧佢係緊張佢⋯⋯ 大家一凹一凸，某程度上其實係天作之合
1個讚
呢樣好同意
呢個又係生活樂趣之一
1個讚
幹!
一個會動嘅家具
結左婚有小朋友2位, 真係要努力抽時間出黎2人世界,
去下街食下飯傾下計好重要,
當然親密時間都唔可以少,
始終人係有需要, 長期抑壓就會令關係無咁健康
好肯定既一定係煮好吃既飯一定可以令老公少左出去食 
係，多d 感激對方既付出，培養好脾氣。
什麼？