一直在備孕 直到呢一刻仲未有好消息
我好希望有小朋友
但係…
出面個個都話「唔盡快過英國就冇機會」
「咁既時勢仲生仔 自己都顧唔掂」
「生左個仔最後走唔到最後留係香港 你博唔博」
另外又有一班人講：
「英國生仔唔洗錢」
「英國出世有英藉」
「英國bb有奶粉津貼」
我自己睇法…
我想喺香港生完仔先過去
因為我想開刀（外國唔興開刀）
有相熟嘅醫生睇住（始終高齡）
又可以食住中藥保胎
英國嗰啲福利雖然係好正
但係唔會為咗福利格硬過去 我又唔係蝗蟲
一陣過到去又要適應又要搵工
搞多幾年真係40歲…
但同時又好擔心
唔通生完個B， 1歲都未夠就帶佢過去？
如果BB有乜嘢病痛好怕唔識處理
最後又諗返轉頭究竟我應唔應該生仔 
求各位媽媽比意見 
你哋係我會點做啊
我覺得呢個問題只有媽媽先明白
英國生BB駛唔駛錢真係唔知，但BB出世係唔會自動有英藉，除非父/母係英藉，Child benefit要有永居/英藉先有
如果你本身諗住去外地﹐
咁係果邊生囉﹐
如果你跟本唔打算係果邊生活咪係香港生﹐
你諗自己大肚過程﹐
咁之後生活呢??
個感覺有D似究竟婚後生活重要 D 定個婚禮重要咁。
英國公立生BB，你有無本事朝早生，黃昏出院？英國好大機會唔比你休息幾日先走，個個鬼婆生完無耐就會被叫出院
我其實打算兩年後移民，八十後三十中
我決定有仔趁嫩生，遲多一年，生嘅機會又少左，風險又大左，BB唔健康風險又大左…
最多到時帶多個走
(我係申請family visa,帶多一個saving requirement 又高左)
我哋係打算喺英國生活
但係因為高齡嘅問題
去到嗰邊壓力會大左 我更加難受孕
大肚婆咁多不適一陣出血又唔知點去醫院
其實未喺嗰個地方生活過
我真係唔夠膽喺嗰邊一落地即刻準備生仔
或者我個問題應該咁問
我應該繼續留喺香港生完仔先過英國
定係唔生仔直接過英國
所以我想留係香港開刀就係咁嘅原因
我呢個年齡順產唔得㗎啦 
冇錯我同你諗法一樣
不過我係BNO…
而家每日實在太多變數影響咗我本來嘅想法
我老公成日叫我唔好諗BNO同大陸嘅事
想生仔就做咗先 唔好俾其他嘢影響到
我都諗緊生唔生多個先過去，但我無咩逼切性，可以遲啲都得⋯⋯如果你想生，好爭取時間做左先
明白 
你英國有無屋企人幫手照顧？你去英國生無陪月無屋企人我驚你湊到好辛苦呀會，加上年紀唔細會好吃力… 另外英國4歲先入學，如果你想出去做野要請人睇住呀b，以我所知都唔平架
BNO 乜details都未有，重點你唔係bc,正常來說小朋友都冇國藉。(上網有人吹，話可以偷呃拐騙唔知點同英國政府講可以有…,不過冇乜人信）
所以你都係曡埋心水，安心備孕，祝快啲有好消息
咁直接咁講
你想生仔多d定去英國多d先？
邊樣想多d咪做邊樣先囉
呢個世界做每樣野都有佢好同唔好既一樣
你take 得一個option 就要預左要bear個唔好果邊
個個夠想留係香港同時有外國既自由同福利
但冇嫁嘛
其實、會唔會考慮等埋疫情完結先生小朋友。講真歐洲情況唔係好一、如果呢一年內生、我會選擇香港
英國冇人冇物
自己打算先做全職主婦
希望捱到小朋友返學
就去返番工
好 多謝你鼓勵 
我老公同你睇法一樣
其實我同老公都係最想係香港生仔
始終香港嘅醫生同護士真係幾叻同埋好專業
加上我老公叫我比兩年時間佢完成埋佢手頭上工作先走
我本身當然冇問題啦
但係每一日睇到新聞話大陸唔想比BNO人走
之後自己就好緊張
不斷反問自己係唔係咁堅持要生仔
大陸如果有小動作阻止你走
兩個大人其實可以即刻走
但一想到如果大住個肚走
或者手抱bb去逃難
發覺原來堅持生仔都會有內疚感
香港生咗先啦
起碼香港可以有親人/工人幫你照顧bb
到bb 2-3歲先過去讀k1
咁樣你都舒服d
醫療方面真係唔知！
只係覺得去個邊生有passport，到時就唔洗再煩！
香港passport依家真係攞唔攞都把！
如果我未生，我會去個邊生！
BB冇英藉的
除非父母其中一個已入藉
拎BNO去生，BB係冇英藉