我bb宜家兩個多月，問我哥借咗架係car seat既bb車，同佢出去叫uber就好安全。但我自己唔會買係car seat既bb車因為我無車，而，car seat上巴士小巴都唔掂。但，咁細個Bb，或一歲下，點抱住佢扣安全帶先安全？
實在接受唔到唔扣安全帶呢個解決方法⋯⋯亦無辦法次次都搭黨鐵，大家都點樣扣安全帶架？請分享。
唔係好明白……什麼是係car seat 既BB車……
其實，坐私家車最好有bb用的car seat, 最安全。我細路一出世離開醫院返屋企個程已用car seat。
但如真係冇，媽媽用嬰兒孭帶孭好bb，就媽媽再用安全帶。
我都明⋯⋯但我會坐巴士小巴咁，唔會下下uber的士出入呀 
Car seat，加個車架，變成一架bb車
same here。老公唔比bb無car seat地搭車。我地都無車但都有買car seat，搭的士用，唔搭的士就唯有黨鐵，無計。
試過一次用揹帶搭巴士，一黎感覺好唔安全，二黎覺得bb都唔舒服。
巴士又唔比成架車上。 
我個仔而家2.5歲。出院果時都係的士，仲要係就咁手抱著，驚唔驚？無辦辦法啦。
自己冇車，所以無car seat，但bb細個時已經開始成日搭的士：
最安全係用平時的孭帶，bb向著自己，然後戴上安全帶（打橫那條好像正常咁綁著自己條腰，打斜那條稍為用隻手就一就等佢唔好勒住bb）。
其實用揹帶好唔安全，有咩事其實係個大人d力沖晒落bb度。
bb會受傷係因為大人而唔係因為意外。
可能要考慮一下買返架車
我哋係孭帶搭taxi。冇錯打橫那條好像正常咁綁著自己條腰，但打斜那條總會掂到bb個頭。你試下就知道架啦 
搭車我會將安全帶穿喺揹帶同身體之間, 唔會勒住BB, 不過都唔是太安全, 只係無辦法之中嘅辦法, 至於你講用緊果D應該係搖籃咁嘅car seat, 可以拆出嚟放上車, 但我BB只係用咗幾個月已經唔得, 因為BB好重, 加埋個籃更重, 根本上唔到車, 結果都係轉番揹帶, 少少分享, 希望幫到你