我個囡兩個半月大，星期六日留在家好悶，好想同佢出街，你地會帶佢出去嗎？
咁細個多數都係落公園、商場、餐廳～
無咩好做。落公園行下。陪大人出街。
但出一出去又好多嘢拎。又隨時落大雨。
而且三個月以下視力都未睇到好遠，好似近視咁㗎咋。
無疫情都好少帶bb外出，何況而家。
就算無疫情，咁細個都唔會帶佢出街。要出最多去樓下公園行個圈算喇，佢咁細留係屋企瞓下覺仲好喇
如果留在家，我好悶…
搵個信得過嘅人幫手湊一陣囉
真係會悶架
所以有時等老公放工出去晚飯/食糖水
有時自己一個又會推住bb車行下商場
2.5個月大因為要餵奶，無論人奶定奶粉出街都要找地方搞，所以都係去啲有bb室嘅商場方便一點（戶外的話，依家又熱又成日無啦啦落雨）。我記得當時鍾意去尖沙嘴美麗華。又一城都ok，頂層萬寧有自己的育嬰室。其實主要出街都係令自己開心，叉電。
我都想帶佢出街行下，我又無咁悶，我未試過一個人帶BB出去，可以分享下有咩留意戓經驗吖！
我呀b同你差唔多大，我都有同佢出去樓下公園，同埋有育嬰室可以埋身餵既地方去行下呀，仲去左山頂圍住行左一轉山添
不過我建議一定要同老公兩個去，一個人好難搞
你地有車？我地無車吖，只能巴士戓地鐵，用揹帶定BB車呢？
你開頭搭多啲的士。出幾次之後膽會大些，搭地鐵／巴士。
叫埋老公係會好啲。總之去啲有靚育嬰室嘅商場會得心應手d。
全港商場育嬰室database: https://bbgaga.com/babyroom/
BB咁細留係屋企最好
室外咁熱熱痱都出埋
去d室內商場不如留係屋企
1個讚
我地有車，所以用bb車，如果巴士/黨鐵bb車唔洗咁攰～ 不過落樓下就用孭帶算喇
我見過d 媽媽一個人帶BB出去，又揹帶又BB車咁，真係要用晒兩樣嘛？
多謝你既資料吖！好有用
唔洗喇 我覺得一樣就夠喇 兩樣太麻煩 自己一個搞唔掂架會
其實邊樣方便d? 如果坐巴士戓地鐵
我都係去樓下咋
如果搭車都係搭一兩個站（地鐵）