如果加拿大同英國大家會點選擇？
其實呢半年都一直準備緊加拿大嘅移民，會用讀書嘅方式，忽然間BNO平權，可以話完全冇門檻，加上一直都幾鍾意英國，所以都好想去。
但諗多幾日之後都15 16，想聽吓大家意見。
我淨係去過英國，冇去過加拿大，如果比大家選擇喺生活，工作，消費等等方面你哋會點樣去比較呢兩個地方呢？
俾你會選擇邊個國家？
移民係一件好大嘅事，我真係想考慮清楚。
有一樣野考慮, 妳想唔想融入當地:
加拿大: Vancouver, Toronto 基本上可以唔使講英文, 好很好香港人… 但更多中國人…
英國: 與加拿大相比，妳可以有更多用英語溝通機會.
比我選擇, 頭幾年一定遠離China Town, 華人區, 迫自己早D融入.
1個讚
去英國你慳返加拿大讀書嗰筆錢喎.
再者加拿大係for 無BNO後生, 去英國成本少好多.
不過我屋企都喺呢2點選擇咗:
- 無論英定加, 睇你插針喺大城巿定偏郊, 真係要比, 加拿大環境係怡人啲嘅. 會凍過英國, 但英國係長期雨天.
- 兩邊教育都有返咁上下質素, 但英國public school教育操行會差啲, 因為相比之下佢哋唔係紀律先行.
- 睇邊一邊friend多啲, 特別係呢個時候, 睇吓邊啲身邊朋友會去邊邊.
- 如果份工job nature似樣都係考慮因素, 例如打銀行工嘅, 去英國明顯易搵啲.
2個讚
想了解、反而英國學校唔係紀律行先、咁係咩先呢？我重諗住英國教育好呢
我反而諗多華人同多元文化、大人易適應d、始終都中年了、唔係咁真係無諗過走
如果成本一樣、我會去加拿大、天氣都好重要
1個讚
你可以搵吓呢套節目, 中國老師喺英國教書:
“Are Our Kds Tough Enough Chinese School”
中國教書一定係紀律行先, 香港都似, 一定要學生坐定定, 靜晒先開始教. 但英國唔係, 我朋友讀教育去英國實習, 佢哋由得啲學生四圍走, 聽書嘅聽, 自己玩嘅玩, 佢問個老師點解會咁, 佢話呢啲係學生自由.
有好有唔好, 所以我問過啲過來人, 佢話有能力嘅, 父母會送小朋友去private school, 會嚴格啲, 但當然會貴啲啦.
1個讚
我應該首選加拿大，因為，我同我老公的戚友全在加拿大。始終人生路不熟，如果有親友在指點一下，會安心D。而我依家都搞緊去加拿大。
Thx 
都做緊功課、話華人叻就手讀grammar school 多d, 不過我有個仔係sen 
都真係好多顧慮
唔知適唔適合到新環境
有小朋友嘛？我自己鍾意加國中小學多d
可否分享加國中學，你會選擇public school還是private school？
我會考慮兩公婆邊樹容易找到工作