呢幾日忙住睇新閒冇上黎
一睇見到大家話想為小朋友移民英國六年後返返香港
點解大家可以咁樂觀？
中共點可能咁易比咁多人就咁就走左去
藍轁文都公開回應左
如果中共單方面限制香港人出境英國政府都冇辦法
限制出境係好難
但如果佢講明用BNO走就一世都唔准返香港，咁會就易好多
點解大家會咁老定六年後可以返到香港？
更何況今日唔知聽日事
一年後可能香港就變新柏林
決定走就唔好諗返轉頭
為年老家人唔走我覺得情有可原
但為左事業而唔走
希望大家唔好後悔
仲有
好想大家知道
移民係真係好重要嘅決定
大家係去生活唔係做蝗蟲
希望拎住BNO去英國嘅人都會尊重人地文化
唔好成為人地眼中討厭嘅新移民…
我覺得將來係香港人想走又難，走咗嘅返香港都難。
講得好！要移民就尊重人當地文化，邊度都應該係咁！
大家真係要好好衡量得失
我走咗無諗住返黎
我覺得走有乜咁奇?97夠大把人走啦!咪又係咁!就算唔係今年,出年,後年…都有人走!10年8年都大把人走
唔需要話乜原因應該走,乜原因唔走,要走亦留唔住架!
至於去到嗰度,人人都係去到嗰度都係咁,點解要講到呢次人走要負起唔靠人唔同蝗蟲一樣既責任?其實人地都出到口無 support grant.去到梗靠自己啦!
日日都有呢 d po 成日出嚟問,不如問下自己想點,人生條路、目標都係自己
Agree, 由80年代香港人都走架啦，
當年香港人都冇諗過返來，將來嘅嘢邊個知，
任何時候移民都係要融入當地，
呢幾日我見大部分回覆都係講點生活搵工，
冇一個諗住只食人地福利，
樓主要分化都做下功課啦
今日唔走、唔知以後有冇得走。基本法下香港人有出入境自由、如果去到唔比得bno香港人返來個地步、你唸下香港會點、即分分鐘留係香港連去外國旅行都難、尤其五眼+日本、係要唸到咁灰都冇用。再灰啲、人在香港、錢在銀行只比你有限度提出來、怕你走佬添
唔返咪唔返囉，有咩問題? 所以今次走得就連根拔起，除非重光否則預左冇得返香港。
剛係連登見到呢個comment:
“講開又講，好似個個移民既都係諗去到果邊有咩工可以做，好少問有d咩援助可以申請”
“香港人係痴_線!”
“我要番工 唔要津貼”
“個個都係問到底可以點進修、搵工”
為香港人自豪
X2
我睇左幾次樓主寫既野，我覺得佢既重點唔係係香港人去拎福利果度。
我覺得佢係想講，有d人只係想帶埋仔女過去（或者淨係一個家長）入完藉就返黎香港繼續高薪厚職“嘆世界“。
樓主有提到：為年老家人唔走我覺得情有可原，但為左事業而唔走唔好後悔。
唔係話唔可以為左仔女將來咁做。但人地而家比香港人過去係為左生存（學另一位jm講），而唔係無啦啦開比你過去等你同你d仔女既生活過得好d丫嘛。
如果係咁既話我自己都覺得同過去呃福利（入藉）無分別。因為去既原因同佢開bno既原意唔同。
當然唔係個個都係咁啦，但係某部分人真係咁，我覺得樓主係講緊果d人。
獅子山下精神又出來了
BD呢邊多父母, 經濟整體比較穩定,
連登多後生, 經濟能力整體無咁好,
但觀乎呢幾日兩個壇D人大部份都係講緊移民點搵食,
的確真係proud of 大家,
香港人真係好鍾意返工, 以前係香港人互相寸下大家, 但而家已變成compliment
對於一班可以一刀切，頭也不回的人歸英，我真係好羨慕。可惜人到中年，太多顧慮 
的確係要有心理準備
未必有機會返嚟
呢個機會，涉及好多人命，希望出去嘅人唔好忘記
尚有未完成嘅使命
係，雖然想大家去到第二個國家幫人地手建設佢地既社會，但都希望你地可以記得香港仲有一班手足響度，希望重光之日大家再相聚
該主題在最後一個回覆創建後30天后自動關閉。不再允許新的回覆。