戒夜奶的需要

bb剛滿月幾日,日頭都係3-3.5小時一餐奶(人奶+奶粉- 30ml+90ml)
之前睇人地分享,bb大約滿月左右,胃仔發育得咁上下成熟,所以就會開始戒夜奶
但係其實「戒夜奶」係出於爸媽可以唔使半夜起身既需要定係bb需要呢?

我個b平時食完奶要掃風掃好耐,再加按摩下肚仔就至會舒服啲,唔會扭黎扭去,所以我諗佢腸胃/消化系統未係好好(早產兒出世,36wk2),咁係咪未咁快需要同佢戒夜奶呢?

早產唔好特登幫佢戒

bb長好個胃,自己會戒夜奶

2個讚

我個仔自己戒掉夜奶,最後一餐飲飽d,不久有一晚,就冇半夜要飲奶啦

1個讚

我個仔2個月大,開始唔洗食夜奶,本身我都好想盡快同佢戒,但真係每個BB嘅成長速度唔同… 所以急唔嚟㗎:see_no_evil:

1個讚

我仔59日,仲未戒到 :expressionless:
不過佢可以10pm食完到4am先喊醒要奶
我已經覺得好好了,半夜都係起一次身,當順便泵奶

我都期待緊佢自己戒奶,唔逼佢了
因佢好大食,每餐食160-180ml

哇好勁,我呀仔都係夜晚4點會唔醒,但有時抱下佢佢又訓番唔洗食奶… 如果可以一覺訓到天光就好喇

唔好專登同BB戒夜奶,個個BB都唔同,有D個半月已經戒夜奶,有D歲幾都未戒到夜奶,夜奶除咗因為肚餓,仲可以因為冇安全感,所以想要夜奶,唔需要同人比較,feed on demand就可以。

已經叫做戒咗夜奶啦⋯⋯

只要你tune下時間,佢最後一餐係大人臨瞓前先飲,咁就可以瞓到6am後,而唔係4am醒

你尾奶時間太早

呢個一定要戒

長時期飲夜奶對小朋友腸胃同牙齒非常唔好

安全感可以平時比,唔係靠夜奶

10pm食完奶,掃埋風要暗到佢11點幾先瞓
衰仔唔識自主入睡,每次都要暗瞓搞一大輪:sleeping:
我份工要一星期有3,4日要返早,6am要起身
所以都要早瞓,如果搞到1點先瞓我返工就會冇晒精神

有冇高手過兩招 :bowing_woman::bowing_woman::bowing_woman:
點可以令bb瞓到6am
佢試過有兩日瞓到5am
臨瞓前我已經係餵奶粉了,180ml,
其餘時間係全人奶,日頭飲奶間隔係3至3.5小時

1個讚

我同你好似,但我個仔又係尾奶轉唔到去12點… 佢10點喊要食,我無理由唔俾佢食:dizzy_face: 或者尾奶係12點食,食得好少,可能食得100ml 80ml咁,之後就點都唔肯食:dizzy_face::dizzy_face::dizzy_face:

我地個b差唔多大吖,乜都好似
我試過半夜4am嗰轉畀奶咀呃佢
(上網睇返嚟嘅戒夜奶方法)
佢喊到痴線,好似好殘忍咁
所以我都係唔逼佢戒,照畀返奶佢食
希望佢過多一個月就自己自然戒甩

我個女3星期就自動戒左夜奶,最後餐奶半夜12點,到第二朝6點嗌肚餓,不過因人而異,我隻女完完全全係一隻懶訓:pig2:,滿月後有時訓到12-8都未嗌肚餓,最後餐奶會俾多2~3安士,等佢食飽啲。將心比己,如果你肚餓時,你媽咪只是俾舊膠你咬,你會點? bb肚餓就當然要食飽飽啦!做阿娘嘅我哋必須鍡飽自己兒女,係咪! :smile:而且做人阿娘係長期唔夠訓,國寶咁黑嘅對眼,到我女依家11歲,好多時半夜都會起身睇下條友有無副被,正所謂“養兒100歲,長憂99”呀!

未滿月就戒左@@佢食幾多ml?

依稀記得60-90ml,唔太記得囉!

仲以為你個女極速唔洗夜奶你會好好訓:scream:

小朋友出世後,根本不可能一覺訓到天光,3歲前我同c6都會半夜醒下望下個女,又要返工,真係變:panda_face:㗎。到佢依家11歲,我間中半夜都會望下條友有無副被,真係養兒100歲,長憂99呀!