睇個勢而家冇1年都冇可能回復正常生活.本來打算9月讀私幼K, 但未來市道唔明朗，都擔心私幼長期咁樣好易執，更唔想捱貴學費但冇堂上
所以打算讀返津幼保險d, 有冇人都係咁，大家點睇？
真的，k1有津貼，始終就算無疫情，小朋友的狀態不穩又易病，有負擔就要考慮清楚。
我都慶幸當初冇揀私幼，而好多津幼其實都唔差，你話要名校冇得講，好似早排屯門執左嗰間，如果我係家長都幾徬徨。
真係視乎家庭support同想要咩，經濟有考慮當然唔好勉強，如果ftm又有信心教到，都唔好浪費金錢。我自己就無猶豫過，相信私校資源好啲，某程度亦傾向相信對叩門有少少幫助，亦覺得自己無足夠時間能力同佢補底。
其實讀私校學費就已經係預算開支，最擔心係學校中途執左會唔知點算，好1516
如果係名幼就當供會啦，唔係先考慮轉學券校，都要取捨下
其實冇執到，校監最後接手繼續經營，教局攪緊手續。
當然一聽到好擔心，但係同校長校監傾過都對佢哋有信心。
之前留咗2間C幼，放棄咗原本津幼Offer， 而家後悔
我因為疫情冇左d收入所以即刻去搵間津幼。
我後悔當初冇乜考津幼。
其實點解要後悔？除左呢幾個月覺得唔抵，之前比左嘅錢拎唔返心目中要拎到嘅嘢？定學校同小朋友唔夾？
今次呢個人禍大家都預測唔到，真係唔後悔得咁多。大家加油啦！
你講得啱！冇人預計到疫情⋯
我小朋友系k1 offer ，未番既。一心諗住俾私幼幼稚園又唔想佢in甘多幼稚園甘辛苦，所以冇乜同佢報其他幼稚園。
疫情會完嘅，情況都會好轉，加油吧！
我最後都係讀返津幼算（老師同學生都有保障）
私幼今日又有新聞炒老師，真係唔知捱唔捱得住，net好似好多都走曬
Ps. 我間私offer唔算十分名校
加油~~~點解都係媽媽諗過對小朋友，同自己家庭係最好嘅。其他人都冇資格講啲咩。
我間私幼offer都唔系十分名幼，所以放棄都冇乜可惜！ 大家一起加油！ 而家我唔想佢對電子產品，所以冇安排上網學英文。 遲d疫情完先睇下點補英文。
好好呢一個疫情讓各位看穿自己潛意識想法