有無人有每年做開子宮抹片檢查??
因為我呀媽以前有中過子宮頸癌, 所以想定期check下~
柏氏唔洗每年做。
健康院有得做，你打去問下。
我做body check果間醫務所話連續做三年，冇事就可以隔三年先再做。
但你媽媽有病史，可能呢個安排未必適合你喎。
我2018同今年都檢查左 呢個檢查唔貴又唔會痛 就算每年做都唔肉赤 始終健康最緊要
我由最初三年 年年做 之後3年做一次
今年想做 又咁岩有左
我都係生完醫生幫我做埋抺片檢查同埋提醒我隔幾年要做一次… 如果你屋企有呢個家族史嘅話咁，不如去問下醫生做邊一樣適合你多啲啦…
我每1-1.5年做一次抹片
如果年年做抹片係咪可以唔洗打hpv針？成日聽有副作用真係好卻步
我係咁諗，所以冇打hpv
家計會咋
打hpv 一樣要驗，所以唔打啦
我試過細胞病變，所以需要每年做一次，無乜特別可以兩年檢查一次，始終子宮頸癌唔容易發現。
咁即係邊間好D
我之前有打4合1架, 但應該過左期, 要補返打同埋已有性行為先打成效會打個折…
會過期架？
唔係9合1 的話, 會過期,
我之前做D 私人clinic 有推hpv針, 所以都知D, 但個陣真係好貴…因為B6人搶打
疫情關係，健康院暫停咗抹片檢查。
可以去家計會做。
我自己覺得hpv針係藥廠想sell，而唔係咁必須咁
我覺得都唔係架…
好似我呀媽咁, 生左3件之後年年驗,
一驗倒初期就決定成個切除, 但唔要子宮唔係一了百了, 都會影響荷爾蒙, 會早衰, 更年期症狀會快D黎。
而如果你每年驗, 驗倒初期, 你都好難再諗諗BB。
咁HPV針係大大降低中招機會既, 至於打唔打…再平D我會補打返…
平常幾千蚊搞惦…
HPV 針係預防，而抹片係檢查，唔一樣既野?我自己係咁諗，但其實我都未打，怕副作用衰過唔打，所以仲考慮緊
我見身邊幾個fd都有打, 表示打完隻手酸痛, 好似做完運動咁 