我以前有返工，小朋友返全日我收工照顧湊返，一家同婆婆住。年頭因為武肺冇工返，小朋友冇學返，老公同婆婆有不和所以一家又搬咗返去同99住。
之後未生小朋友前我都係同99住，不過我放工返屋企寒暄幾句，食完飯就入房，比較少同99交流，所以冇乜大感覺。
好老實99都幾十歲，生活同衛生習慣明顯同我地唔同、老公成日同99因為生活衛生習慣嘈交，嘈到小朋友會問我點解爸爸咁大聲話嫲嫲
由一直返開工, 被逼變成日日夜夜照顧小朋友同煮飯既c9，又要對住99，有時候又要做佢兩母子既傳聲筒，我壓力大到周不時訓唔到，m又亂哂
想獨立搬出去又冇額外錢搬唔走（間屋老公+62名，62己走左好耐），又唔可以趕99走，我只可以呻
真心覺得要同奶奶住嘅人好強，唔好話佢好人定不可理喻，生活習慣唔同都已經好折磨，如果係我一日會發脾氣暴走無限次
不過樓主奶奶難頂啲，又再慘啲… 
為一就係同老公叫做同一陣線（似乎老公仲唔妥奶奶多啲 
）
暫時啫，遲啲返工返學就冇事啦，得閒同小朋友返婆婆度訓2晚抖下氣得嗎？
認同！呢個世界生活已經寸步難行…放工番到唯一可以休息嘅地方，連喺屋企都唔可以自在…so sad
其實有老公支持你已經好過好多人好多掛?
所以我唯一安慰嘅係老公佢係企我呢邊，對我黎講變化咁大既生活入面叫做感覺好D。
係我角度其實99真係冇做過啲討人厭既嘢，但老公唔係咁，可以話討厭一個人既話佢做乜都係錯 
一鬧交雖然唔關我事，但家嘈屋閉人都煩
婆婆其實可以既，不過當時走得太急, 又冇任何預備比小朋友，佢情緒好差，我花左好耐時間先說明到比小朋友知我地搬屋既事
遲啲等小朋友穩定返我會試吓安排
你老公難相處，阿媽外母都夾唔到。
我都有話過佢
佢D少爺脾氣又唔收下，婆婆都唔係好脾氣果隻，結果因為D小事就火星撞地球
JM, 你做好中間調停者角色都唔易，叻叻
其實你老公應該上黎開post: 如何改善脾氣同老人家融洽相處
唔好話同人地阿媽住好難，要同自己阿媽住我都頂唔順⋯⋯所以廿頭就拿拿聲嫁人離開阿媽⋯⋯
好彩聽落你奶奶唔係針對你做咩小動作嗰啲，不過如果老公有咁多不滿，應該係佢自己要諗計分開住多啲？
樂觀啲諗
你老公唔妥你奶奶好過你自己唔妥。
你好好人
就快又一年，睇返呢個post都係好唏噓…日子唔好過
小朋友成年冇返學，全日一係喺屋企zoom, 一係就要睇youtube/開遊戲機打，我擔心會睇壞眼所以限時睇，睇完之後小朋友就不停纏住我要我陪玩，我有時都會同佢玩，不過我都有家務做或者攰，叫佢自己玩又唔肯係咁發脾氣要纏住我，之前我都有D耐性叫佢等一陣，時間耐左，之後我就多數直接發脾氣…無限loop
最後覺大人細路困住太耐都唔係辦法…圖書館，公園又唔開，每日只可以去附近球場玩一陣，叫做放下電
99方面都係咁，繼續你有你嘅邋遢生活，我有我嘅忙碌，不過最近同老公商量緊離開香港，比佢知道左，佢好大反應話養個仔為防老，我哋咁樣走咗佢點算，呢樣交返比老公同佢D屋企人處理
總之都係過住日日鬧仔煮飯做家務既日子
樓主加油呀！我老公就孝順到移民都要帶埋奶奶走，好在你唔洗。
我小朋友情況同你一樣… 呢牌訓練小朋友一齊做家務，有時都真係幫到手。就算幫唔到，都好過打機。
我而家又將D舊玩具執曬出黎，排靚靚，將同類同色lego分好，佢地當新玩具玩過，可以自己玩一段時間。
有時真係頂唔順，照俾佢地用電腦，但係益智類，例如捉棋，學programming 。
而家嘗試教佢地玩一人boardgame，不過未成功…
我有見到你個post, 所以我第一時間話要同99住既寧願唔移民
養兒防老？
你話我都仲有個兒養緊呀🥲
我諗你老公聽到呢句都難過
99又係，就算咁諗都唔好講出口
怪唔得老公都唔妥佢
咁我都明白佢嘅，62唔係度，係香港嘅親人得返我老公同姑奶，傳統女人當然係靠個仔
我哋都諗住香港呢間屋唔會郁，比佢住到百年，而且香港仲有姑奶係度睇住佢
我個個仲癲
我99叫我個女大個養埋我大伯
因為大伯50幾歲仲單身 無諗住結婚