全人奶媽媽，你地係全埋身嗎？
我岩岩做完手術，終於食哂抗生素可以開始全人奶，呀仔個半月大，而家全埋身，食完一個鐘就肚餓，中間仲要唔訓⋯⋯想問大家係咪都係咁？上左奶之後會唔會隔得耐啲？
1個讚
舉手，我bb 剛出世時係underweight，所以有預咗佢會食好多。
bb埋身後肯訓嗎？
一個鐘又誇張少少喎，咁咪基本上一直要食？
我呀仔一出世就基本上就埋身，而家57日都3個鐘一次，我諗你上左奶就好d架喇
1個讚
有，頭幾個月都係keep 住奶睡咁滯
掃唔到風但會打則佢訓
我個仔頭一個月都係咁上下，兩粒鐘餵一餐(係計每餐開始食嘅時間喎)，全埋身，中間都唔係好肯瞓，食完過一陣又喊…我諗係未上夠奶 追唔切奶 佢成日都唔夠飽 咪食得密又唔肯瞓囉…到第二個月 追到奶就開始好少少，慢慢變成三粒鐘先一餐，到三個月變四粒鐘一餐
我諗你啱啱開始餵返人奶 要努力追奶一段時間! 追到就會開始有好日子過
加油
似係奶量未追到bb食量，要有心理準備要追一段時間，加油
我諗真係奶量未追到佢食量
所以夜晚為求我同bb都有得訓我都補兩餐奶粉
希望快啲上番奶，bb有教好訓啦 為左餵人奶，搞到佢無教好訓，都唔知係好定唔好
睇你覺得邊樣重要啲，對我嚟講bb食得飽、我休息足夠重要過係咪全人奶，所以我係半人奶媽，半人奶都有抗體比到bb。如果你覺得全人奶緊要啲，咁就目標為本，同bb一齊努力，但要注意bb夠唔夠尿，增磅如何。
我係全埋身，阿仔飲完奶都可以隔到2個鐘先食一次，最近嘗試隔3個鐘，依家飲完要哄佢訓教，之前唔哄都可以自己訓。
你有冇飲多啲水啊？
補充水分對於餵人奶都好緊要架，我日日都有飲上奶湯， 間唔時會飲埋mother’s milk tea
我都係全人奶 BB差唔多一個月 但食奶時間keep住都唔同 有時真係一個鐘嗌一次 因為成日食食下都會瞓著 通常都係食十幾分鐘就瞓 過兩個鐘就餓 早一個星期夜晚每個鐘嗌 次次都食5/6分鐘就瞓咗 搞到人都癲 但呢排就乖番 可以一點幾食完就瞓到五點先再食
全人奶有時真係好崩潰 不過對bb好都值得既……
你夜晚都全人奶唔補奶粉？我想呀囝訓長啲，所以夜晚會補兩餐奶粉，可以訓兩個半至三個鐘
每日起碼2碗湯加10杯水左右⋯
嘩，好勁呀一點幾食完訓到4個鐘
我補奶粉都係最長訓到3個半鐘咋
全人奶，但唔係全埋身呀，好多時埋身後會再用奶樽補人奶。
全埋身同你一樣，三個月後好少少咁 但唔肯瞓覺 bb係咪比較細隻？
係啊，全人奶，依家阿仔夜晚可以訓到5～6個鐘