如果奶奶睇bb, 2萬真係太多, 2萬我會選自己租地方住
環境又好d, 又唔洗磨合, 寄人籬下最多萬五, 除非奶奶真係真係好nice
其實要幾錢家用唔係隨口up, 應該攞條數出黎睇，計清楚一個月洗費大約幾多先訂。我覺得樓主老公果2萬都係信口開河，建議大家攤條數出黎計應該/可以攞幾多出黎做家用。
多左你入去住已經係要加家用俾99，再要湊埋bb既要再加碼，好正路。
要睇下你老公本身俾開幾錢家用，如果佢係俾開10k，你入去住加2-3k，湊bb又再加2-3k咪岩岩好係20k囉。
有bb要湊的話我唔覺得20k係俾得多，一個家庭雜費開支都唔少，仲要照顧晒你一家三口，又煮又洗又湊b。
如果俾得二萬﹐
自己租屋請工人﹐
起碼你地有自主權﹐
將來想工人咩方法湊 BB 都係你地自己話事﹐
你俾99湊﹐
分分鐘仲會佢一言堂﹐
你連出句聲都無權、一係話你意見多多；
你老公之前俾幾錢奶奶做家用?
樓主好早期答咗「冇比…但所有費用/買野佢出」樓主老公冇畀開家用，不過樓主老公出嘅“所有費用”包括啲咩，或者係幾多錢就唔知。
一定要計個開支表先得，不過男人唔鍾意計婆乸數，開口問佢又怕佢覺得計教⋯⋯或者同佢解釋下要為將來儲錢，宜家畀噤多真係好吃力，可唔可以一齊再計下。
其實兩公婆每人一萬係包啲咩？
如果係包 你老公以前負責嘅野，咁我想提提樓主，相見好，同住難。99煮嘅餸未必啱口味，到時你出街食或者買餸煮，唔通同99攞返錢？將來想買件衫仔畀阿B，奶粉見就快冇就順手補貨，唔通又問99攞番？
一定要傾清楚
1個讚
99 之前無指定老公俾幾錢家用,
感覺上99 唔係計較錢D 人,
根據自己負擔能力,
同99 講俾幾多會鬆動D.
不過都要諗下自己願唔願意就下人,
因為生活習慣一定會有唔同.
如果唔得呢樣真係反而要考慮下.
我之前阿哥,
就係帶左個大陸女人返黎,
有返工,
無錢交返黎,
家務唔做,
好多惡意破壞(錫紙丟屎坑,垃圾隨地扔)
好聲好氣同佢講,
佢唔理,唔認,
我因為佢裝個CAM,
點知意外影低佢偷我媽媽銀包,
佢事後話幫我媽媽KEEP 住,
我哥係好蠢,所以佢當我地全家白痴.
依家暫時趕走左佢,
不過佢似會搵機會返黎.
因為人仲成日話自己無辜 
我想講GEI 係,
始終人地先係主場,
如果預左自己會高姿態,
就不如自己搬出去,
大家少D 磨擦.
有感而發,
多多包涵
2萬係你奶奶要求定你老公自己up?
到時d立雜野肯定都要你地出錢
搬出去+請工人你預都係個個月人工冇得剩，但唔洗睇奶奶面色
不過你老公睇黎都似唔願幫手… 俾家用自己阿媽都要AA
FYR
我阿媽話收我12k左右佢辭職日日過黎我屋企or阿b過佢度幫我湊b，我叫佢唔好
有人話自己阿媽都未必湊得好，又驚佢哋年紀大辛苦，所以情願用筆錢請陪月
我反而覺得如果係咁﹐
樓主主要俾零用 99 同埋買餸錢﹐
然後你兩公婆將其他支出揹上身仲清楚﹐
就算只用 Excel 將你地的支出 List Out 再一人一半﹐
起碼清楚知D錢用在係邊﹐
同埋唔係掉低D錢就算﹐
如果你地俾完錢你99仲要負責其他支出﹐
你地好難計數﹐
咁不如把心一橫你地負責支出會唔會更有數圍返究竟洗在D咩錢。
3個讚
同意#siumak嘅建議。
另外，本身99有冇工作喺身？係咪要辭職幫你地湊？
我未結婚已經同定男朋友講，
各自比家用自己父母
同埋
邊有得隨便up個數架
做乜都要有根據架wo,
唔通佢要你夾再大份d 都唔出聲？
養bb 係就係大家有份，
不過講到明一人一半令我諗起之前一單新聞，有對夫妻一子一女，然後各養一個，買衫比一個，另外一個冇新衫，買野食比一個，另一個冇得食咁
都同佢結得婚生得仔，
最好攤開黎傾
哩單真係離晒大譜﹐
二個都無資格做人父母。
呢單嗰兩公婆似仇人多過夫妻