仲有你俾得佢湊，你要預咗你唔能夠過問佢點樣湊，你只能夠隻眼開隻眼閉，如果你請工人，你可以指示工人點樣跟你的方法去湊BB，兩者有好大分別
利申：我小朋友細時俾我媽湊下午，依家就主要自己湊番
唔會係你咁諗
千其唔好制
兩萬！？
太多wor…而且住公屋又唔洗交租
講真燈油火蠟果啲有幾貴姐…主要都係俾你奶奶筆錢咋嘛
老實講我覺得total一萬夠，最好你俾$5000左右，你老公想俾幾多佢自己決定
1個讚
我唔會比自己個份囉
家用應該係老公比
你或者負責BB開支囉 如尿片奶粉醫療等等
你兩個搵得唔算多，仲要每人出一萬。
你都要預下自己儲錢架
好同意樓上你衣加個情況係AA制湊BB咁，好冷漠，好似冇感情咁⋯⋯你個男人覺得有BB大家責任一樣？冇諗住比大份？
當然未婚懷孕情況唔理想，但你都會有權反對男家提出嘅方案（如果你覺得唔合理），而唔係因為有左就夾硬要屈就！
每人一萬真係好奇怪，點解要比咁多錢住公屋+睇人面色？大家搵得又唔多⋯⋯一開口就一萬？
我同老公住港島，住屋加買餸燈油火蠟一個月都唔洗咁多錢喎（你仲話BB嘢仲要另外自己買，嗰到先洗錢似倒水），佢阿媽收2萬條數係點得黎？
1個讚
究竟係⋯⋯每月一萬，定係兩萬？
如果係一萬就唔算高。
一個月兩萬家用即係總收入起碼兩萬幾，如果係就辛苦D都搬出去。我諗會少D「相見好，同住難」嘅問題。
奶粉 250-300/罐，初生一個月四罐 total $1200
bb唔舒服睇醫生 ，一次800，覆診又800，total 1600
有啲疫苗，要私家先有得打，$800-$1000/支，要打幾次先一個療程。
尿片-約330/月
再加上奶樽，bb 衫既消耗。大把預期不到的開支，同老公傾下家用total最多一萬二左右，留多啲錢俾bb
每人一萬，total兩萬。我覺得多，本身都唔洗俾⋯
既然你要搬入一齊住，你應該要當營運一頭家既開支去睇︰
屋租︰公屋屋租有限，但如果你自己出去租屋，新界兩房我諗點平都要八九千？攞中位數$8500
食︰平有平食，以我屋企3+1做例子，一個月食大約$5000
家庭用品︰即係所有household 大約$3000
水電煤︰約$2000
以上開支已去左$18500，未計你老兩公婆個人洗費同比老人家家用，當然未包工人費用。
工人人工$4620一個月，如果加埋保險、agent、機票，你當每月$6000左右，已經out-budget, 仲要預佢響度你d 水電煤一定有多冇少。
兩萬蚊想搬出黎住仲要湊b係有d不切實際。
講返轉頭，依家你仲有住99果度既選項，真係太幸運。住99屋，當佢貼屋租同工人費用，果$18500開支一下子可以減到一萬蚊。湊小朋友其實真係好困身好辛苦，唔好計到咁盡，比返幾千蚊老人家洗都應該既。我覺得$15000就差唔多。當然呢個只係我一個局外旁觀者覺得，你一定要同老公99溝通。
其實你老公冇比家用但話開支由佢負責，咁唔係一個好方法。D錢來去唔清楚，表面睇即係「冇比家用，只係有時出下錢」，你地自己都未必清楚條數。所以如果你決定要搬入去住，我建議你地勻勻淨淨每個月比返家用，所有開支家用度扣，咁就大家清清楚楚，避免將來嘈交時你又話你貼佢，佢又覺得佢貼你。
我明白香港地大家都搵食艱難，有屋企人照應真係好好彩。眼前似乎你選項唔多，搬入去同住比較可行。但你要有心理準備相見好同住難，你忍佢時佢都忍緊你，所以有時要調節下心態，希望住幾年儲到錢可以搬出去。加油呀！
** Sorry我想補多句，睇你文字你老公都唔係好有數口同清楚d錢洗左去邊既人，心中冇數喎，所以先隨口up個$20000家用。你自己計一次每個月開支，同佢坐底探討下啦。
樓主你上咗東網
可否比條link我去睇！謝謝
唔該晒
就算佢包，點包呢？包幾多為之合理呢？乜嘢為之雜費呢？你比完唔通問返佢拎？淨係呢度都有排你俾
你當你2個加埋搵35k，俾左20k得返15k，2個大人返工車費食飯電話上網費，剩返金額好少，唔通真係發燒睇醫生都問佢拎返錢咩？到時一定有其他洗用。
當小朋友大啲，就要諗幼稚園學費，你要記住減家用係好難，而且以前唔包開嘅，亦都唔會包埋，即係又要自己出。
住公屋，你兩個又後生，奶奶以前係咪有返開工？而家停工同你湊？否則你先生唔俾家用佢點維持？不如佢照返工請姐姐算啦。
垃圾東網，上討論區攞料唔落credit
樓主唔洗聽fb班人講，睇開藍報都知佢地乜料
冇建設淨係識比較
樓主真係唔好駛睇班腦殘講嘢
佢哋只有不切實際毫無建樹嘅指罵
2個讚
一人一萬太多啦，樓主你搵未夠兩萬，俾左一萬之後仲有幾多錢自己用+屋企突發事？！仲有娘家家用呢！
你老公俾一萬，你俾五千就差不多，另外你再俾三千左右娘家飲下茶咁。好似其他人咁講，你老公身為男人應該俾大份，同埋果個係佢媽黎，佢俾多d 都好應該。
如果唔係，咪叫老公一樣俾返同你一樣價錢娘家飲茶，叫佢自己計下數，就知唔可行啦。
1個讚
小巿民討論下家事，D記者就將件事發大驚死冇人知…
其實比幾錢家用有乜新聞價值？
好心做記者做得專業D，真係去搵D有建設性既嘢報導啦。
1個讚