香港響鴉片戰爭後開始變成英國殖民地，簡單黎講可以話係通過三部曲建立今日香港領土︰
1840年 南京條約
1860年 北京條約
1898年 展拓香港界址專條
其中根據南京條約同北京條約既規定，土地係永久地割讓比英國。呢兩條條約其實冇被取消而係一直存在，只係比1984年既中英聯合聲明取代。理論上，如果中英聯合聲明取消左，根據南京同北京條約，香港有D地方係應該回歸英國既。
即使係咁，以下邊個地方都係無緣變返英國領土呢？
A, 銅鑼灣
B, 九龍塘
C, 尖沙咀
D, 昂船洲
E, 赤柱
放工前開估。
界限街以南係屬於英方？
九龍塘（又一村）又係響界限街以北，應該係B，九龍塘
昂船洲擲界
B九龍塘，因為係界限街以北
昂船州屬於邊到？
昂船洲响隔離
d
B
九龍
唔好意思我又有一條常識題，
您介唔介意我用你個題目「常識題⋯」出帖
出啦 
我都係拋磚引玉，大家一齊長知識。有人出題求之不得
常識題是大家的
答案係B九龍塘，無錯呀，因為佢係界限街以北，係通過展拓香港界址專條，以租借形式加入香港。即係話九龍塘班有錢佬係唔能夠通過住屋成為英國一份子
點解昂船洲係英國領土呢？其實佢係經北京條約指名道姓，跟埋界限街以南割比英國架。
以下係Summary -
1840年 南京條約 - 割港島
1860年 北京條約 - 割九龍半島界限街以南+昂船洲
1898年 展拓香港界址專條 - 租借界限街以北(新九龍) + 新界
所以點解港島同界限街以南收既叫地稅，界限街以北同新界叫地租，就係因為呢三條條約。
其實新九龍呢個term我有印象好細個好細個時聽過，但依家已經冇人再講lu.
謝謝，已出
請問大嶼山及長洲等離島係屬於邊面呀 
以前香港只有三個大區，港島、九龍、新界，離島不嬲當新界，後來將離島大嶼山等等歸納為一個區，所以離島大嶼山一定係99年
咁即係租借，唔該晒
長知識喇真係～
界限街既劃線，正係以昂船洲島 (未填海前) 最北點，向東水平延伸
有人講笑話如果英國揸正嚟做，九龍塘樓價立即大跌
該主題在最後一個回覆創建後30天后自動關閉。不再允許新的回覆。