依家坐緊月所以全埋身 周不時都會谷奶
一埋完身個胸就會鬆番
而bb通常食完一邊就夠飽然後訓著
所以我今次餵完左邊 下次就會餵右邊
遲下番工所以要開始儲奶
假設bb食完左邊 我應該每次等bb食完就泵清番左邊奶 之後留番右邊等bb下次埋身食？
定係要泵埋右邊？
咁如果泵埋右邊 阿b會唔會唔夠食？ 
好苦惱 大家係點做法？
心急人上 
同問，我都就黎要開始儲奶喇，等高手解答
買曬電泵 但怕泵完bb唔夠食 所以一路唔敢泵 
越泵得密會越多奶，供求問題
遲d bb 食多左奶你就要多d泵/ 埋身，令身體收到信息要做多d奶
咁我應該每次等佢食完就泵曬兩邊奶咁樣？
如果遲D要返工，假設你朝早餵完左邊先出門口，咁下一次你預早泵右邊D奶出嚟，之後試吓樽餵BB，BB都要適應用樽同試奶嘴，仲要留意飲幾多奶，因為之前埋身你都唔知佢飲幾多。模擬下你返工嘅時間再慢慢調教泵奶嘅時間。另外，每次埋身完再泵清都好，可以當儲定多D做雪奶或冰奶，萬一返工跌奶都有儲備。
1個讚
咁其實要番工前早幾多開始轉做泵媽？ 係咪之後都一直泵，唔好埋身？
介左夜奶未? 我當時係儲半夜起身泵嗰轉
如果佢肯兩樣都食，唔需要轉全泵架
我而家阿女15個半月，返工泵，放假响屋企就全埋身
大概2星期前開始轉用樽餵
早晚可以繼續埋身
奶係愈食/愈泵愈多 嗰陣我係一路食左邊一路泵右邊 出得好快!
其實有唔同做法，最好就係樓上bestemily 的做法，你單邊就餵得飽bb 咁叻，咁最好就係餵完之後泵埋另一邊。早兩個星期開始等自己適應個泵，同埋等bb 適應冰奶同埋瓶餵。
如果發現泵唔夠奶又唔怕攰，就半夜3點幾起身泵。
最緊要係試瓶餵嗰時，要就返工可以泵奶的時間去泵，想多d 奶就泵長d 時間，而唔好泵密過返工時間，因為好多媽媽因為咁一返工就塞奶！
同埋唔洗儲太多奶，兩三日份量就夠，奶都係新鮮d 好～ 放鬆心情！大不了飲一兩餐奶粉，早晚埋身都有抗體架！
可以朝早埋身，淨係係公司泵奶，回家又埋身。如果公司許可，啱啱返工可能要泵2次，早上11am同下午3點左右。
1個讚
BB食完一邊，咁另一邊就泵出黎儲
我睇過一個英國母乳組織嘅資料，佢哋唔建議每次只餵一邊，話咁樣長遠會影響奶量，應該每次都餵晒兩邊，唔需要擔心前後奶問題，身體自己會依照bb食量去調整比例。
如果你遲吓返工想儲定奶，咁要pump得勤力啲，比bb食嘅餐數更多，因為返咗工未必可以好似依家奶量咁多、穩定。
請教高手
我已經係全泵媽，依家一日泵/手揸6-7次
每次150ml - 200ml (兩邊加埋)
8月中復工，份工要輪班，唔定時
仲要係唔知幾點有時間可以泵奶
我應該幾耐要開始減泵奶次數？7月中？
但我有好想喺產假期間追奶，儲d畀bb飲
真係好矛盾
如果復工之後唔可以定時泵，咁真係要而家泵定多D做儲備。
幾時開始減泵真係人人唔同，我覺得最遲要8月頭就要減到5泵，8月中復工一日4泵得唔得？最怕減泵時塞奶，減極都減唔到泵。
1個讚