有左之後，一聽到junk food就作嘔反胃，日日粗茶淡飯，胃口仲愈黎愈細
同懷孕前比，重左大約3磅
照完結構，B仔一切正常，係比一般bb大左兩週
然後，俾私家醫生個助產士召見
佢劈頭一句就話：你食得太唔聰明
佢繼續一輪咀教我點食野，但我平時食得仲少過佢講既份量，菜多肉少碳水化合物少
佢發現冇嘢好講，就話我食白飯搞到呀b咁大
但我一日只係食一餐白飯，食嘅份量係超級少
由有左到而家，已經冇啖好食，仲要俾人話左15分鐘
好多下都差d滴左眼淚出黎，真係好難受
我講極佢都唔信我
仲講左一大輪bb過大既後果
我…都唔知點算好
好怕下次又見到佢
Bb大兩週ok的嗎？我都唔知點做好
放鬆啲,健康 bb 就得,阿 b 吸收到,人人都想肥 b 唔肥自己
大兩週OK吧。。。？之後控制到就得啦。
佢其實背緊書，根本隻耳仔無打開過，無聽過你講野，下次不妨係佢面前流淚，佢先會開始願意聽你講
問題係：其實我都唔知可以點控制
俾我會駁咀駁舌剷返佢轉頭，你已經好好，我頭三個月輕左10磅
食乜嘔乜
醫生只提我九個月後注意飲食，唔好食宵夜果啲，佢話九個月後開始狂長肉的
明明當年我大肚都已經唔食甜唔飲氣水（係本來我就唔食甜嘢）日日帶飯飲食清淡，繼續返工放工都唔係唔郁啦！做親產檢都話我太重話呀b個頭太大，仲質疑我偷食，咁我身體係咁我都控制唔到，真係講黎都曬氣！
所以唔好唔開心，你同呀b都健康就得啦！
我反而同人相反，主要重咗係頭三個月到
三個月之後個磅數反而回落
胃口麻麻地
係呀
佢擺明係暗示我講大話同偷食
其實我可以控制嘅已經控制晒
我由四個月開始正常返，到左七八個月就食量高峰期，但開始有嘔返
好在全個孕期只重左15kg，個女有七磅幾
咁媽媽好幸福，生完好快就keep返個身型！
呃佢有錢收咩，唔通自己唔知自己事？
唔好諗太多，好多大碼bb出世的
我嗰陣唯有照食,但到後期真係重到壓神經線,恥骨痛,仲要坐輪椅拎枴杖 
…痛到生完幾個禮拜後先唔痛 
不過我係人細粒,bb大,最後都係大1週,但都無比人鬧,照食唔理,我記得3餐個陣都係飯. 
我其實冇乜喺人哋面前喊過，覺得有啲樣衰
聽完佢咁講、bb會唔會肥得滯
講錯左，應該是15kg
湊初生bb湊到瘦晒，日日無覺好瞓
喺bb六個月大時先開始肥返
之後因為個女好易招呼，慢慢肥返晒了
我四個月時已經覺得個肚好重，而家準備踏入6個月，個肚仔重到一個點
去買個托腹帶吖
我嗰陣5個月做私家產檢,成個胎照,有 d 位超大一週,有 d 位超大2週,無樣無超,但醫生都話正常…
我照食,利申下先,我成個陀 b 過程係由一有嘔到7個月先無嘔,但之後都係作嘔作悶,臨生又再嘔過,所以我趁食到就食,最緊要 bb 健康
朝早食糯米雞,或者燒賣腸粉
中午去茶餐廳食飯
夜晚白飯加自家餸,糖醋排骨…每星期有湯,日日燉蛋…
就咁個 b 比我吹漲左,臨生前個半月真係瞓醫院,返唔到工,太大,但大幾多無照,反正快生.最後寫病假紙出院返屋企,坐下輪椅拎拐杖,但真係行唔到樓梯,有錢執唔到 
我覺健康最寶貴,當然如果食得多怕有糖尿,touchwood 我全程無事 
小心,我就係無帶托腹帶,後期太大壓神經線,醫生都話早知帶…你試下帶托腹帶,不過一大左,帶托腹帶,只可以話有幫助,但都會照痛
到嗰陣,叫醫生寫紙比你做托腹帶,唔好去坊間買,我買左個超貴無用晒左,反而醫院跟失肚度 ok 