我的QM IVF之路

不嬲係forum 多數都係睇多過出post, 想係到開個post 做個紀錄呢條唔簡單既路同埋俾有需要既朋友仔參考下:)
希望大家都可以支持下我!

5月初:
前言:因發現BB有染色體問題所以引產
醫院安排5月頭返去PMH 覆診,睇夫婦的染血報告,醫生跟我解釋check到我有基因的問題,如果自然懷孕有一半係有問題。跟住醫生就就我情況寫左封轉介信俾瑪麗PGD隊,早上睇完醫生下午就即刻去遞轉介信,排公家隊,職員話一個月內會電話通知期,無電話收到先再打。

5月2X號:
之前聽到其他類似情況,可以即日俾信就有期,但一直都收唔到電話,心諗唔知會唔會等好耐,因為有其他人都話要等半年先有期聽講座。話說諗住打去問下,點知呢個時間就收到QM既電話,QM職員話醫生收到我既轉介信,可以安排我係6月中聽講座,之後見遺傳科醫生,係呢個時候我就好奇原來係睇遺傳科,佢話「係呀,IVF都分唔同隊,你係遺傳科跟既」同埋話之後有護士會SEND WHATAPPS 俾我,入面有條講座片,聽講座前要夫婦睇條片。我估係疫症既關係,所以就上網睇片,正常應該係QM聽既。另外,仲要做一樣野,就係老公要聽講座前交丁丁做化驗。真係估唔到會咁快有期,又係另一個新開始!

12/6
聽講座+見醫生
因為護士已經係whatapps send左講座既片,我地可以1點到教授樓聽多少少補充資料,係d文件簽名,之後又返S3見遺傳科醫生,首先都係磅重血壓,見醫生,都等得唔耐,醫生解釋左我既情況要PDT,又講到IVF成功率都唔係好高,要過好多關先得~醫生又會講埋價錢,就住我情況佢話要做抽個萬幾蚊既血,俾化驗室睇下做PGT得唔得,唔得就唔可IVF,聽到呢到都嚇左一嚇,之後老公再問機會大唔大,佢話多數都無問題,同埋話可以10月開針。之後會幫你做個枺片同抽血就走得。另外,醫生都會開埋黃體同俾你,唔使你再行多轉,姑娘就有叫你係下次m黎既第二/三日報經期,就會安排打水超聲波。

6月尾 抽血
過左無幾耐,收到QM 姑娘電話,話醫生轉介左個案俾佢,同我約番抽血,當日要俾$11000,可以LOOK卡,同埋老公要交丁丁。後尾姑娘話可以8月開始療程,我再confirm 一次係咪即係開針,佢話係呀,我心諗咪好快,本身懶懶地,如果10月開針就7月養卵,而家提前左都有少少緊張~不過既然有機會快d就梗係想快啦~~

9個讚

個時同老婆去台灣做ivf, 都係一黎做PGS, 3-4粒蛋蛋結果全軍覆沒. 但好處係唔洗放左落去先出事, 三個月後再抽多次蛋蛋, 終於有一粒合格, 現在仔仔出世啦. 加油啊, 你有好多同行者, 有很多很強大的準媽媽

5個讚

支持樓主:heart_decoration:

1個讚

加油呀,我都完成了三分二路程了,你都要加油呀,做PGD真係要量多先夠佢玩,抽卵前做多d運動加食supplement 真係幫到好多架。仲有記住保持心境開朗,don’t stress yourself out.:muscle:t2:

3個讚

多謝你啊!!都知PGT 有機會可能最後一粒都無,都係平常心~~
本身其實想去台灣,但而家遲遲未開關,反而QM仲快

你而家到咩STEP?
我而家食葉酸, Q10, 維他命D3,希望有幫助啦~~~

如果你蛋蛋夠多咁唔洗驚, 係要注意免疫/血栓問題. 當初我老婆有血栓,要打針打足三個月.

植入前一個月,浸下腳, 植入左就食黑朱古力/ 菠蘿心增加著床率. 抽蛋蛋時, 可以問下醫生子宮情況, 容唔容易著床.

1個讚

我之前失敗左,而家就放咗第二次胎,努力埋最後三分一路程。
我果時抽左兩次,第一次只係食葉酸,抽十幾粒,到day 5 剩3 全部pgd 晤過, 第二次食Q10 400mg 加maca 同葉酸,做運動同浸腳。抽30, 到day 5 剩12 PGd 後有5個。 所以你真係要努力呀。

1個讚

恭喜你呀,
好勁,多左一倍wor,我之前諗住無咁快做,都唔係日日食,希望而家開始食有用啦

我都食左唔夠兩個月就抽,但係運動應該最幫到多d, 我第二次最初照都係最多見到到十七,但最後抽個數都嚇親自己

1個讚

仲可以飲下熱檸檬水, 都有幫助

1個讚

我啱啱22wk引產,bb照結構發現問題,後尾發現染色體有異常,我係帶因者,不過呢個異常就唔係結構問題嘅原因,亦唔知我呢個異常基因會導致咩問題,醫生轉介我去威爾斯睇遺傳學,不過十月先有期,但我都約定養和,仁安,寶德做consultation,睇下pgs幫唔幫到我

如果BB同你一樣有同樣基因問題,如果你可以正常生活無影響,佢都可以一樣無影響。 PGS 係你果對染色體如果係一條有問題另一條無問題的話,咁就有機會晤遺傳到有問題果條基因去BB度,因為BB所有染色體係係你同你先生度每對各攞一條黎變成一對。咁pgs就可以screen個胚胎結合後d基因係正晤正常。

1個讚

但問題我嗰對X重複部分好微細 pgs未必做到試劑 等緊遺傳科睇下講咩 我先生suggest到借卵 但我係咪冇權有自己嘅小朋友 始終重複嘅部分冇一個真實嘅答案 係存在擔心 但我好唔甘心

咁醫院有無幫你地夫婦抽血驗?

咪驗左囉

咁又晤好咁灰,其實你自己微重複果part 有無驗到係X既兩條都重複定只係果part 三倍左即係一條多左重複既部分? 同埋你如果好人好者,佢都有機會同你一樣無野。但當然有機會個個人反應晤同,其實遺傳科醫生就算咩國家既都會説好多都答呢啲基因病係比較罕有,所以無乜醫學文獻嘅記載,佢可能會叫你睇吓你嘅家族史有冇呢啲基因嘅重複,如果有就睇吓對你家族成員有咩影響。如果純粹係你個人基因突變咁就好似之前講嘅睇吓你嗰對X,係咪兩條都有問題。如果係一條嘅話其實好大機會pgs可以篩查去你既囊胚邊個遺傳左重覆基因邊個係完全正常咁找到正常既先植入你身體嘅。
不要想太多,坐好小月最重要。

1個讚

睇左遺傳科 pgd應該可以解決到問題 希望之後一切順利

咁就好了,祝之後一切順利。快啲send referral 去排ivf 啦。祝多卵多卵抽多d卵

打算養和做埋 政府個遺傳科都未俾到期