自己原生家庭關係唔好，父母無離婚，但自細感情淡薄。依家老左都只似同屋主，無咩交流，所以令到我同細佬都係唔鍾意係屋企講嘢，一家人絕少情感交流。
到依家自己成左家，又生左個小朋友，但兩老關係都無咩大改善，呢幾日見到好多朋友都同屋企人慶祝得開心，特別感慨，都驚自己呢啲原生家庭帶嚟嘅傷害會不自覺地影響左個仔成長，我哋自己一家三口朋友又唔太多，佢又係獨生子，原生家庭又無咩家庭溫暖咁，覺得好對個仔唔住…純粹有感而發
咁你地同個仔多啲傾計，大家講吓心事，唔會對佢唔住嘅…
其實原生家庭實會影響。只可以不時提下自己。抱下佢。講多啲你愛佢。佢地會感受到的。
1個讚
我連生日快樂、母/父親節快樂都講唔出口，不過會叫小朋友講。
如果兩老錫佢，佢都會感受到，唔止同屋住咁簡單。
自己兩公婆盡量表現愛(我覺得上一代有呢個問題，所以搞到我表現愛有d尷尬），小朋友都會學到。
1個讚
藉著這個因素，更要俾多啲愛個仔，不要步自己後塵
1個讚
父母個代點對自己，可以用來做benchmark. 令自己開心就學習，唔開心就引以為介。
我係一個例子，我老豆從冇顧家，我阿媽一力承擔。到我大左，引以為戒。而家自己一家同嫲嫲開開心心。
我老豆臨終前相修補，我用左好多時間先可以感受到佢。大家都修補返，可以三代同堂，個孫好愛爺爺。
1個讚
如果細路仲細，就把握時間同佢一齊打波/踢波/行山
就算平時係屋企都可以一齊打機/DIY
從朋友做起，自然多話1題
你講得出自己父母既問題
相信你都有能力參考同做得比佢地好
你有心既一定會做到架
唔好打定輸數，講定對唔住
要有心落力等呀仔第日同你地講聲多謝！
多謝大家鼓勵！無錯，我一定會引以為鑑，希望同老公可開開心心咁俾個愉快童年個仔，只係有時見到別人一家或有一大堆朋友聚埋一齊時，個心真係好羨慕
1個讚
我屋企都係，從來乜節乜生日都唔會慶祝，又成日同老豆鬧交，同亞媽工哥好D但都無慶祝，無句生日快樂，母親節快樂。結婚前好羨慕人地屋企好close。
而家嫁左個鬼佬，同佢屋企人成日都love u前love u後，講英文真係易講出口D。同自己屋企都開始多左慶祝，雖然都係差少少，不過都有進步。
生埋小朋友，你知以前D人淨係識得對自己D仔女有彈無讚。而家我同老公成日讚小朋友，我媽見慣左都會讚埋一份。
2個讚
其實你知道自己原生家庭情況，咁就當俾自己一個提醒，盡量做好D…唔好俾你自己而家嘅家庭有遺憾
多欣賞同認同自己、老公仲有小朋友，一定會成功架。加油
我哋類似、所娭長輩同孫都唔親密、有時都羡慕人三代同堂