奶奶拜神又拜觀音, 佢可以唔洗我上香, 但佢要個孫戴啲佛墜呀玉佩, 平安符個D點拒絕佢好?
我奶奶每年都俾d符我地，話要隨身攜帶，年尾要俾返佢還神，再換過批新。次次都係我老公處理，佢拎完就收埋。
我成日扮聽唔到,我老公都會識做搞掂99
1個讚
叫C6處理﹐
佢拒絕佢媽又好﹐
收埋年尾俾返佢媽好﹐
叫佢攪掂佢。
2個讚
唔一定要拒絕，佢有佢信，你有你信，天主教唔係教你謝絕其他教
2個讚
玉佩尚可，符就麻麻地
1個讚
佢要個孫戴，我覺得可以接受，唔係要你戴就得
符果d我之前都係收埋一邊算,玉個d我唔想隨身袋住,過唔到自己個關 
我要學下
我信既係基督教, 佢有佢信係無問題, 但我唔會要佢既野, 因為係偶像, 邪物
玉都要隨身袋住？裝起佢放埋一邊，其實唔需要勉強自己去迎合人地奇怪要求
直接講
你咪回條十字架頸鏈比佢
2個讚
可否坦白同佢講架？話妳係基督徒所以唔可以有呢D拜神符？相信佢會接納掛？
一隻玉佩點解係邪物？唔係普通飾物咩？
BB仔都會戴呀。
咁十字架頸鏈，耶穌像，聖經算唔算偶像？邪物？
1個讚
你當係奶奶比你的祝福就可以了。
以前有牧者講過（我無信教都有段時間有返教會），就算裝香都唔係問題，如果拜祖先就當是紀念先人，拜神就是尊重别人的文化。重要的是看自己的心態。
4個讚
我之前都有收佢既「平安符」話一定要袋住, 唔袋佢又唔安心,所以個時收左擺埋一邊就算, 老人家比較硬頸唔聽入耳, 但觀音玉/佛墜個類我就唔係好接受。 
你講得岩, 不過我就無裝香, 點頭以示尊重一定會做, 只係佩戴玉佛紅繩之類令我心有不安, 所以就唔想收咁解。
同佢講，我信嘅耶穌應許留下平安給我了，呢 d 身外之物其實對我無乜用
1個讚
我實實在在的告訴你，你能坐在耶蘇的王座旁邊，但身邊什麼人也沒有，又有什麼益處呢？兩千多年來，基督教已被世俗化了許多，執著這等小事真的好嗎？