如果我唔去英國住, 咁我個小朋友係咪就無辦法享用BNO既"身份", 因為宜家講緊係拎住BNO可帶家屬一齊移居, 5年後可申請留低…
如果未轉BC，BNO本身冇得比下一代繼承，咁身為BNO holder既你就一定要先令自己入左藉，先有機會傳到英國身份比下一代。
睇返依家英國出黎既details, 都只係比途徑BNO轉BC，所以預計如果要下一代做英國人，我地自己就要先過英國入藉。
本來諗住如果一兩年可入藉，會派爸爸過去入左藉，再申請阿女過去。如果要5+1，我就會全家過去。
3個讚
唔可以啦、居英權都唔可以、點都要一家走、真係幾多考慮、同埋其實而家BNO點都未知架
1個讚
中國彈出又彈入，想立又唔敢立，叫人唔好低估佢決心，但依家又全世界高估左佢真係咁堅決…
佢一日唔立法我地都冇得郁。
1個讚
冇得傳喎，暫時亦冇咩新消息，靜觀其變。
1個讚
而家嘅方案傾向人道救援，以幫助bno holders以及其家人免受惡法迫害，所以以一家人為單位。如果單純小朋友一個過去讀書，現行study visa都做到，只係享受唔到福利。
1個讚
暫時睇唔到UK有呢個諗法
就係自己都未必走到, 想留條後路係個仔啫。但如果我唔一齊去，其實係無呢條後路。。。
最有可能只係送佢出國讀書。。。
認真，細路仲讀緊書無大人咁多包袱，供佢哋去留學，第時留低落地生根。大人反而要考慮得好仔細先做到決定，唉。
1個讚
如果中國到最後唔敢立國安法，呢條後路就不存在。所以最實際就係儲錢送小朋友出國留學，睇佢自己造化可唔可以響外地落地生根。
1個讚
我哋本來都係咁諗、但可能要為左佢哋走、只係放唔低上一代、仲有自己仲要搵食
其實一要諗走唔走就覺得好煩，又唔夠＄，又要幫d細嘅諗
唯有送佢地出外留學
之前一直諗住留係香港讀書，突然先鋪排去外國都係要計掂數先得
我都唔夠錢，所以升大學先送仔女出去。上年送左大仔去西班牙，明年等阿女考完dse都會送佢走。