本來同老公expect係個女，岩岩照左係個仔
其實仔女都一樣鍾意，但心態上要調整下，之前都諗住係養個女嘛
所以想問下，生個仔同生個女有咩唔同？湊大佢時係咩感覺？
有個仔好似多咗個小情人咁，而家3歲晚晚錫佢一啖先瞓
3個讚
表面D咪係買衫褲鞋襪玩具上面﹐
女仔會花費大D囉；
另外一般囝 bb 期有得食就會係咁 cher﹐
女好多都好似厭奶咁餵極都係餵好耐；
另… 女仔好似扭擰D。
2個讚
仔要窮教，女要富養。我有個仔，感覺壓力細啲 
點解會expect係女呢? 家族全部生女?
其實仔都好丫, 起碼唔駛花咁多心思買衫梳頭呀咁.
仔好湊呀, 出街唔駛帶咁多嘢, 急尿用個樽都攪得掂.
我個仔12歲, 不知幾sweet, 雖然都係男仔會認威, 不過叫佢做嘢從來無托手掙, 家務暖男, 又鐘意煮嘢食. 不過讀書呢頭讀果頭唔記得, 勞氣DD.
阿女14歲, 唔多鐘意入廚, 家務又麻麻地, 只係讀書叻.
1個讚
純粹係因為老公expect要個小情人
冇特別意思
同埋覺得女仔讀書會自動自覺啲，唔使操心
邊個話女仔讀書唔操心? 其實去到中學唔會差太遠, 只係男仔發育慢D.
我個女讀書好, 不過EQ差, 唔係我地縱佢, 佢係似爸爸. 我都係怕長老以為我唔識教, 所以生多個做"實驗".
小朋友每個都係個體, 都係咁特別, 我老公同個女好明顯唔係情人feel, 好彩我老公都唔係好恨呢個感覺, 因為弟弟似我, 佢有弟弟做佢情人(haaaaaaaa)
因為我老公教咗好多年書，都係見到女仔嘅成績比男仔穩定，上堂嘅行為問題都少啲
不過都知道冇嘢係一定，只係相對地少問題，曳既女仔都可以超級癲
咁真係一般易養過女
好窩心
1個讚
咁真係幾好！
1個讚
同你心態一樣
不過感恩係呢個仔好斯文好斯文（比女仔更斯文
），一路都好好湊，依家直頭覺得生仔都幾好，起碼以後佢唔使經歷生bb呢樣嘢，同埋男仔去廁所方便好多，以後bb大個你就會明白
不過仔大個可能無女咁貼心？！但呢個我就唔考慮太多了，最緊要提自己做一個通氣嘅奶奶，否則不但難為咗自己個仔，仲可能無咗個仔
1個讚
我得一個仔，有個仔真係好嘈
我反而覺得如果係生囡，出街去廁所好煩
呢個都係我哋比較怕嘅事情，怕又嘈又好動，可能會頂唔順 因為我地兩公婆都好靜
希望似我地啦
你呢句提醒咗我點解老公想要女，因為奶奶控制慾太強，佢為左保護我，有段時間冇再聯絡呀媽（而家奶奶收斂左，有返去食飯的）
所以佢成日話生女好 生仔走左佬
但其實都係睇呀媽多
賤內成日話如果係女就一定會買呢啲呢啲(x n)比佢著…好彩係仔…
暖男加分
生仔嘅話對佢嚴格D都okay。
開頭應該冇分別吧？
我個囡bb時俾我養到成個仔咁
我細佬，細我14年，開頭俾我玩到成個妹咁
我都覺得係咁
所以我知道咗係仔之後，真係日日提自己做一個通氣嘅奶奶，唔好同新抱爭寵，否則連個仔都無埋，仔大仔世界
調節咗心態，生仔都可以好sweet（珍惜佢細個時）