幾年前椎間盤突出行都行唔到
做左半年物理治療好返
2年前突然痛 又去做左3個月物理治療
最近雙腳成日好痹同埋尾龍骨個位開始痛…
唔知係咪又復發…
其實椎間盤突出係咪無得斷尾
我見同事最後做手術，做完講後悔咁遲做，之前一直物理治療，用左好多錢
家人就建議我做物理治療解決得到就唔好開刀
但2年復發一次真係好辛苦
要徹底根治，少不免捱一刀
物理治療始終治標唔治本
屋企人曾有此問題，上年行路腳部感覺痲痺同痛，後來仲影響埋行路拐下拐下，坐起身，上/落梯級等等日常生活⋯睇咗骨科醫生同做物理治療至少四個月，情況並無好轉，
後來決定再搵第二個骨科醫生睇吓，最後決定做手術根治，
- 手術响今年二月頭做；
- 留院大約兩日一夜，（下午去，翌日晚上出院）；
- 覆診大約六星期；
- 依家已完全康復。
1個讚
之前聽講過做手術都會翻發同埋本身手術風險唔細
而家我都睇緊 用緊保守療法
請問手術後幾耐可以正式走動呀？
同埋知唔知大概幾錢？
屋企人都係咁講話手術風險唔細…
建議我再做物理治療試下先⋯
請問保守療法係點咖？ 你有無成效？
- 在手術後翌日嘅黃昏時間，經主診醫生檢查後便出院，其實除咗出院有人幫推輪椅出院搭的士之外，落車後可自行慢慢行返上樓（但係傷口仍痛。）自此就佢自己慢慢行㗎啦；
- 佢係做微創手術；
- 醫生寫咗大約二至三星期病假（希望冇記錯），其實响第七日（2月14日當晚）可自己死頂落街同朋友食飯
- 出院後大約每三日回到診所覆診一次洗/檢查傷口，期間不宜攞/托重嘢同食敏感食物；
- 手術費（由入院開始至可出院嘅醫院費用）大約好似十三萬幾。
（以上純粹係屋企人經歷，詳細情形建議你問返自己「骨科」醫生會好啲，因為每個人病情唔同，同埋醫生及醫院收費亦都未必一樣。）
我睇緊脊醫而家要做機減椎間盤壓力 等無咁痛就開始拉返正我條尾龍骨 因為無用藥唔開刀所以叫保守療法 我仲要醫9個月呀
多謝晒你咁詳盡既回覆
我會再問返醫生呀！
因為我要返工預下要抖幾耐先返得工
唔該晒你既資料呀！
1個讚
要醫9個月 好漫長！ 加油
呀！
1個讚
關唔關天氣事？天氣一冬我就腰痛，其實係血循環唔好… 中醫講「不通則痛」
試下用溫水浸下腳
我就做瑜伽之後真係無發作過，但係一排耐唔做就會有少少唔舒服，但係我試過好多方法，呢個係最持久
Keyword
McKenzie exercise
(McKenzie Robin )
另聽講過，有突出不一定腰痛，有腰痛不一定突出