朱古力，糖，M記果d會唔會
4-6歲倒
我見有d家長睇得好實 小小都唔比食
會。俾少少較健康的。
其實我覺得我睇得緊。
細路唔會在我手上得到雪糕同汽水。
不過，如果出街食自助餐，我會俾同行朋友或親戚攞少少俾佢地試下。
2個讚
幼稚園放學、生日會 好多家長派糖，避得幾多
2個讚
會比，但會控制住，糖盡量唔俾食
會，仲會養成習慣，佢哋食零食要問過我，其實到左小學，你睇唔到佢，佢响學校食，你都唔知啦，我識一個媽咪，佢唔比小朋友食零食，到左小學，個小朋友周圍問人攞零食
會。
有d嘢食係童年回憶。
睇得太緊，當返學時同學請小朋友食，有可能會追住小朋友請佢食。
我小學時，有個同學未食過朱古力，返學有同學請佢食過一次後，一直追住個食。
其他零食亦都係咁。
搞到我哋唔敢帶零食，或者食得好偷偷摸摸。
我記得全級都冇人同佢玩。
出到去人地比會食，無所謂
但自己一定唔會買d垃圾零食比小朋友食
自己只會比健康零食比小朋友食：水果乾呢類，無調味果仁、芝士、紫菜、水果呢d
係大時大節應節先會比小朋友食下朱古力應節
汽水果汁都無可能會比小朋友飲，佢飲sparkling water已經好開心，最多飲下豆漿
雪糕我地屋企唔會買，只會自己整sugar free，加almond butter，用新鮮cream 打出黎無添加食得放心
平時出面買d零食根本就係食化學物質
基本上我地全家算少食垃圾食物，所以小朋友都無乜機會食，食得最多垃圾食物嘅係工人姐姐，但依家佢受我地影響，都開始減廢
2個讚
會，因為我自己都食，但唔會俾多，其實係要教佢地節制，唔可以一刀切咩都唔俾，佢地開始返學時，你避免唔到佢地食零食，可能會比同學笑佢哋無知咁都未見過/食過
我大嗰個小朋友細嘅時候就禁得好利害，不過搞到佢好恨食，好似其他jm講學校見到同學有就會問人攞，學校一開party就勁食，仲衰！不過因為大咗身體好啲就開始俾佢食小小，佢試過邊啲好味就唔會樣樣都問人請佢食，而且自己都有！
依家個細嘅跟住個大嘅，大嘅有得食細嘅都會有少少，不過就有限制，佢自己都知唔可以食太多，例如薯條就食5、6條，試得多自然第時自己學校有得食都唔會狂食！個人意見only!
我仔有自閉症，佢食朱古力同飲可樂之後個人會失控！我自己會睇得好緊，就算放學有家長派我都會話唔使！如果學校派我偷偷地收埋，佢而家六歲有時都有講想食少少，我都有解釋比佢知！
1個讚
某啲會完全禁止，好似汽水，一排排朱古力，呢啲係完全禁止，某啲就有限度咁俾，例如雪糕，喺街度好熱就會買嚟食。家人帶佢哋食我唔會唔俾，學校開party收嘅零食就揀啲ok嘅俾佢分幾日食，平時食tea嗰啲都係食生果，nuts,果乾之類，可能一個星期會有一日係食nutella多士。我個女啲牙齒唔係太好，未有零食食已開始蛀牙，所以睇得比較緊
我之前睇youtube話好多時小朋友蛀牙係大人傳比佢
因為有口腔入面有細菌 蛀牙可以經細菌傳染
唔知真唔真
盡量唔好食太多有色素、咖啡因既零食。。
例如：朱古力，好colourful既軟糖、汽水、奶茶、檸茶。。。之類。
食左佢地會好high，自己都可能控制唔到自己情緒，就會特別扭計。 
1個讚
我女有個同學，佢媽媽好嚴，從來無點食過零食，結果小息成日去求d 小朋友分俾佢，人地唔俾就夾硬攞，搞到無人想同佢小息.
所以我覺得點都要俾小小試下
太細過唔會
到10歲以上先會俾佢哋食小小零食
放假時畀少少仔仔食又得唔得？
擔心佢升小學時同學仔請佢食，係學校失控。
始終得6歲，零食真係好吸引。
小小ok
而家六歲間中少少薯片，糖就兩三粒就算！朱古力盡量禁，因為食完好快出事！五歲試過飲四分一罐可樂，嗰排老師立即投訴問最發生咩事完全唔受控！所以我真係要禁，搵其他野代替！我連雪糕都係自己整比佢食，等佢唔好食出邊嗰啲！
有時其他家長真係好誇張，成袋零食帶去接放學派！我心諗派乜鬼吖？
1個讚
我仔adhd 應該唔好食、但小朋友返學避唔到、以前執得好嚴有得食就餓鬼咁、我就講好放假食少少
我覺得要有底線，上左小學都要比少少但唔好過量！
可能我見我仔有個同學仔一樣有自閉症，但佢阿媽唔理成日比糖、oreo 餅、檸檬茶、果汁，佢個人仔成日失控又成日話個仔唔食正歺！有一次我忍唔住話小朋友唔應該食咁多零食，佢阿媽唔出聲！