疫情對我家庭都幾大衝擊，我公司撤出香港，我做埋下個月就失業。老公亦減薪同放無薪價，屋企收入蒸發七乘，亦唔知要捱幾耐，咁老公決定賣車，本身我們住新界屋苑，環境好好，單位都大有三房，但比較偏遠，冇車好唔方便，於是舉家搬回市區，近仔女學校。由於收入少左，搬出市區只能住兩房四百呎單位。
琴晚聽到一對仔女私下傾計，知道佢地其實唔開心，唔慣新的環境。覺得新的地方好逼又比較舊。其實我都唔習慣，亦好擔心，但最心痛還是影響到仔女
1個讚
留系香港影響小朋友仲大，而家搬屋其實唔係話咩問題，我反而諗佢哋將來系香港會點，而家又開始想洗佢哋腦
1個讚
加油，人生有高有低，黑暗過後係明天。如果子女巳到小學，都可以同佢地解釋傾下，把環境轉變轉化成一種學習的經歷。
7個讚
有時環境做成都無辦法，反而諗下佢地而家捱一段時間，就會學識珍惜，到你搵返工，經濟轉返好再諗
我覺得市區雖然細但係交通方便好多，返學太遠好辛苦
1個讚
明白環境轉變會不安、不過住近學校小朋友慢慢會舒服好多架、加油
1個讚
實唔慣，環境差咁多，但一家人齊齊整整，健健康康最重要。而且你兩公婆都算settle得好快手。
2房市區其實都唔差，只係比較之下之前好好啫。
試下盡量同小朋友講d優點，例如近學校，返學放學會快左。遲d正常返學，留校玩下活動都可以。
2個讚
你應該教佢唔好太著重物質上依賴，最重要係一家人
5個讚
搵到工，就冇咁易亂諗野！加油
1個讚
對仔女仲細，都係講下姐！唔好咁上心！放假帶佢地出去玩多啲，市區去邊都方便啲！
其實好想同佢地講叫佢地忍耐一陣，到屋企環境好番D，一定會搬返大D，不過我連呢個承諾都唔敢比，可能對前景太冇信心
其實市區來講我都覺得不是太差。不過仔女兩個自出世就住比較大同環境比較好的屋苑，望出去係大花園，我都明一下子比較難接受，見佢兩個返到屋企都冇乜表情，我個心就好唔舒服。
我都明白有時要比佢地明白人生有高有低，不過有邊個父母唔想一直比到舒適環境子女。
物質上唔駛太介意，又唔駛作出承諾，第時搵返工就用行動證明，反正你而家無野做，就多啲時間陪佢地，親子時間都好珍貴
2個讚
帶多啲佢哋去認識呢個新社區，讓他們知道每區都有獨特既地方，慢慢佢哋就無咁抗拒。加油！
1個讚
其實真係唔差呀，佢地咁細唔知市區樓本來就係細d啫。
學你話，人生有高有低，希望你之後都盡快搵到新工作，生活重上軌道。如果暫時未有工，就可以多d親子時間都係好既，之後未必有咁既機會。
1個讚
人生有高有低
仔女大個左會明白的
最重要係一家人齊齊整整
1個讚
小朋友要"捱下"先會珍惜架,放鬆D啦,媽媽 
3個讚
咁除左住細左外生活方式仲有咩大分別？其實巿區好處就係方便只係細d啫、俾我情願住巿中心瞓耐d、我反而諗你咁快就要搬、係咪本身生活都算奢侈呢…而家只係貼地返d啫、近學校一聽就知你哋係好爸媽
其實都要解釋俾仔女聽，人有三衰六旺！
佢哋都要努力讀書，希望將來有更好生活！
父母唔係印銀紙，所以提醒佢哋買野都應該諗下有冇需要先！
做父母一定想俾最好既仔女！但依家時勢唔好，順道幫佢哋提早上人生一課！
希望佢哋明白同體諒你地！其實依家小朋友好醒目，都心中有數；如果你哋做父母可以坦白啲同佢哋講，可能驚喜地 - 你會發現佢哋好明白事理，加油
我老公已經少左一截糧一段時間了，冇埋我那份就一定要cut cost. 不過都係的，往後會把儲蓄比例增加，以前用在子女身上係幾大比重，佢哋食的着的我盡量買比較好的，架車都係佢地出世後買，反而我同老公自己比較慳