一開始加固，真係掉d蔬菜去恰家咋，佢地到1歲前都係以奶為主，6個月後的加固為左訓練下牙力同口肌，不用太在意味道，只係想佢地可以d野咬下，當然都有不同營養的食材，但最普通就得
1個讚
我太太剛生產後都有你類似的心理狀況, 放心, 之後你會好愛你的BB
1個讚
原來加固咁簡單，放心多了！起碼我憂慮少一樣！目前嚟講我未能好enjoy一個對住BB，我內心總係好恐懼，但又唔知恐懼什麼，只有出街先令我放鬆！唔知還有幾耐先無呢種感覺…
你啱啱生完, 體力未恢復, 又要湊初生BB, 係辛苦啦… 做阿媽真係苦樂參半, 小朋友每個歲數都有唔同嘅麻煩要媽媽去照顧, 但見到佢哋健康, 開心成長, 咩都覺得值… 唔好低估自己, 好好努力…
1個讚
角式轉換好重要，要經常抽離一吓
1個讚
因為太多未知的事，我昨晚都想唔理佢，逐個鐘醒，餵佢奶唔食，掃風換片氹訓都唔肯訓，想要食奶又唔食哂d奶，明明白頭就好好既，搞到我成晚無得，老公又訓唔到，我火都黎，但都無計……佢又唔識話我知佢做咩事
1個讚
你真係明白我呵！尤其唔知佢扭咩，就好煩，但又唔可以唔理佢，我真係好想快快返工…
BB得果兩個月，即係你做人阿媽先兩個月，如果返工連試用期都未過呀JM 
你咁快就話自己唔係好媽媽？
冇人天生識做阿媽，坊間亦冇阿媽課程讀，全世界阿媽都係摸住石頭過河，未實習就上陣，對住阿B邊做邊學。所以你唔洗咁大壓力，你覺得自己冇耐性唔開心全部都正常不過，因為兩個月前你仲係個唔洗湊仔既lady黎 
比D時間自己，無耐性咪慢慢磨到有囉，唔開心咪搵D開心嘢做囉，湊B唔會只得唔開心既，佢對住你笑果下、好快飲晒支奶果下、幾日冇POO突然有一日去左好多POO果下…你就會識開心架喇。加油呀！
6個讚
希望得心應手時，我唔會再覺得好驚對住佢，其實餵奶換片氹瞓唔係難做，係我內心唔多情願咁，每日在屋企好難過咁！
加油呀所有媽媽都好辛苦，你仲有大把時間去證明你係一個好媽媽！
1個讚
產後個個都憂鬱
要搵朋友開解下…
唔駛每樣事情做到100 分要自我調節一下
1個讚
產後個個都憂鬱 -> agree !
我係不嬲都係天跌落嚟當被"come" 果隻, 冇諗過生完果兩個月咁 憂鬱,
睇阿b 照燈都可以哭出嚟, 諗返都覺得攪笑…
成日話自己唔係好媽媽, 朋友話, 好快過, 之後你唔會甘諗ga la,
當時會覺得, 有排先會過啦, 有排涯…
但原來真係 好快過, 真的 ! 加油呀
1個讚
有時我都懷疑自己產後抑鬱㗎！尤其陪月走左之後，感覺更加强烈，我本身都係樂天派的，但呢排感覺唔似自己囉…希望學你哋咁講，好快捱過，做個樂天媽媽！
咁你過咗幾耐，先無咁憂鬱吖？
阿女剛一歲半, 睇住佢學識一樣野真係好開心, 但而家就要煩佢讀書既野…
不過同湊new born係兩樣煩野嚟, 唔係抑鬱果種…
不過都要放開D, 唔好擔心太遠既事 
1個讚
見證小朋友每一個成就解鎖，我都覺得好感動好感恩。
1個讚
煮埋呀，一日諗2餐正餐，一起身就開始打掃餵早餐，跟住就keep住煮呀洗呀，玩呀，煮呀洗呀咁。
1個讚
多d係度呻下，自己心情會好d
我個仔6個月前，1餐奶飲1個鐘，3個鐘餵1次，無論1安3安都係飲1個鐘，簡直想做瓜佢，幾痛苦，又已經奀支支，都唔敢同佢介夜奶，成日覺得自己湊得唔好，個個嚟睇佢，餵佢飲奶，都話佢難湊，佢地仲講，未見過飲奶飲咁耐既bb，5個月排到嬰院，6個月先每餐飲到6安，我覺得bb蝦我地，嬰院就調教佢4小時1餐，每餐6安，介埋夜奶，每個媽媽都有唔同既辛苦，自己睇開d，唔好困住就得，加油呀，我都捱過，你都得架
1個讚
多謝大家鼓勵吖！我個女全日只係食完晚上7:00果餐，就特別扭，咩都做晒，唔知扭咩！晚晚都係咁，有無媽媽個小朋友係咁？
好多Bb依段時間都扭，有d話係肚風。有無磋下肚仔試下？