BB巳經兩個月，我還在放產假。
未有小朋友之前，我係中意同小朋友玩的，所以我同老公結咗婚一年就決定生了。
呢兩個月，我湊BB湊到唔開心，覺得自己無咩耐性，懷疑自己唔係好媽媽…不過感恩老公好幫得手，點樣令自己好enjoy對自己BB呢…
初生係難照顧啲，五個月左右就開始開心返，尤其佢傻笑，叫你媽媽，俾個面頰濕吻你，開心都黎唔切。
不過到讀書嗰陣，又想捏死佢 
11個讚
初生係最辛苦 好快就過
學樓上咁講5個月左右bb會同你多啲互動
到時怕你母愛氾濫多啲 
1個讚
多謝你地留言呵！我有時諗，返咗工心情會否好點！因為當我出去一陣，我心情就會好！回到家就會好想錫個BB！
3個讚
每當我出去時，老公就一個人睇住BB，我會內疚，唔係擔心佢攪唔掂，係擔心佢覺得辛苦…
1個讚
你有個好老公！
湊到累時，阿b比老公睇下，自己散個步，why not.
Bb大d就好玩d架
2個讚
我覺得bb兩個月時係最辛苦，因為無第一個月訓得多，又成日喊
過咗100日大個咗真係好好多，喊少咗識得笑，飲奶次數又少咗
如果有人幫你睇住，出去行吓曬吓太陽會開心好多
我都好羨慕你有人幫手呀，宜家肺炎又唔可以帶bb出街，我就成日同佢兩個人喺屋企好悶
2個讚
聽你哋咁講，真係好期待過咗一百日既BB，希望我到時會開開心心咁對住佢！就係因為呢個疫情，無得帶BB出街，當我一個對住佢嘅時候，我內心好恐懼，好唔舒服嘅感覺…有無新手媽媽都有呢種感覺？
我係頭一兩個OK， 之後開始冇乜耐性， 都bb10個月大開始，而家一歲，好想成日都陪住佢。 雖然間唔時都會冇耐性 
1個讚
加油呀媽媽, 好多新手媽媽都在經歷一樣的事, 捱過便好
1個讚
我之前請咗兩個月陪月，果段時間係幾舒服的，三餐有佢照顧，又會陪我傾計，走咗之後，我勁失落，而且我哋無飯家庭，頓時間覺得好怯，成日為了晚餐擔心，無請工人，主力我同老公湊…奶奶老爺一星期會幫手一日湊BB…到現在都係會為晚餐而憂心…
我同你一樣，BB就黎兩個月，我都知呢段時間最難捱，又未戒夜奶，晚晚起身攰到傻左，又未完全掌握到佢既脾氣
一齊加油喇，好快就3個月就會好d，但到時就放完產假，無得陪呀b 
1個讚
你陪月幾好喎
其實我上胎都係擔心午晚餐問題，因為自己本身食得求其
依家有2個小朋友……要顧及佢地健康……
1個讚
頭3個月係最難捱, 我第一胎時都好無助家, 我大仔成日喊, 但老公只會問我bb做咩又喊, 我鬼知咩, 又話我唔理佢, 搞到佢訓唔到…果時又唔夠奶, 又俾陪月D口臭說話搞到我成日喊…大仔仲住左2次醫院
其實你已經好好有好老公幫你, 唔係個個肯家! 佢肯你當然要放手俾佢幫你, 不用覺得對佢唔住, 個BB佢都有份, 而且你岩岩生完, 情緒係比較差, 同埋易受影響而變低落, 加上你係新手媽媽, 太多新野新變化要適應
大個D, 佢開始識轉身, 坐低, 爬, 對你笑, 叫媽媽, 企, 行, 再識同你溝通, 你會覺得由心覺得幸福的~ 會極嬲的情況下都俾佢溶化, 捱埋佢吧! 佢會係你心靈上一個最大的支持, 因為小朋友的愛從不吝嗇, 而且係無條件的! 即使你俾10分1的愛佢, 佢都會俾返110%的愛你
7個讚
湊bb唔同玩bb嘛，頭3個月真係好辛苦，淨係識得喊，都唔知bb想點！不過捱過咗就會好好多，到時互動多啲就好好玩，每次教識阿b解鎖新技能都覺得好奇妙，好有成功感
2個讚
湊初生係辛苦D，有老公幫手就出去me time一陣啦，放鬆下再努力湊B。
1個讚
我兩胎，老公都無幫過手，我是偽單親架，第一胎時無請姐姐，陪月走後都係自己一個湊個女，時間過得好快咋架！
1個讚
你哋講中我心入面嘅嘢呵！原來大家都咁捱過，我又係無咩人奶，兩邊泵埋都無20ml, 我唔想有壓力吖，有幾多就比佢食幾多，多數比奶粉佢食，因為有時心情都麻麻，影響人奶量！開頭都好自責，無人奶，怕佢少抗體…
有時放低BB
俾老公或者屋企人照顧
自己出去行吓或者約朋友食餐飯
出完街返到屋企又會重拾返照顧小朋友嘅心情
1個讚
想問下，我同老公唔多識煮飯，除了外賣，有無d 住家餸可以食呢？鐘點？還是隔離屋煮埋？計番錢，有無其他方法呢？